Ինչի՞ մասին եք մտածում, երբ լսում եք Ընկույզով տորթ բառերը: Ինձ համար դա միշտ եղել է բիսկվիթով ու կրեմով բազմաշերտ աղանդեր, որի պատրաստումը տևում է առնվազն մի քանի ժամ։ Հատկապես, եթե յուրաքանչյուր բիսկվիթի շերտը պահանջում է առանձին թխում:
Բայց ես սիրում եմ, երբ ամեն ինչ պարզ է: Խառնեք բաղադրիչները և պատրաստ է: Հետևաբար, այս բաղադրատոմսն ինձ իսկապես տպավորեց, որովհետև ներկայացվող տորթը կարելի է պատրաստել նույնիսկ առանց թխելու։
Ամենադժվարը կրեմ պատրաստելն է։ Տորթի արտասովոր շերտերը բաղկացած են ընդամենը երեք բաղադրիչներից՝ ընկույզ, թխվածքաբլիթ և կարագ: Արդյունքում՝ ընդամենը կես ժամում դուք ստանում եք զարմանալի դեսերտ՝ ընկույզի ընդգծված համով։
Դե, իսկ շոկոլադն ու բանանն ինձ համար հաճելի հավելում են:
Ընկույզով տորթ. Անհրաժեշտ բաղադրիչներ
_Ընկույզ 150 գ
_Կարագ 150 գ
_Թխվածքաբլիթներ 300 գ
_Ցորենի ալյուր 50 գ
_Մուգ շոկոլադ 150 գ
_Շաքարավազ 130 գ
_Ձու 3 հատ
_Սերուցք 300 մլ
_Կաթ 300 մլ
_Վանիլային շաքարավազ 10 գ
_Բանան 4 հատ
Ընկույզով տորթ. Պատրաստման եղանակը
_Ձուն, շաքարավազը, վանիլային շաքարն ու ալյուրը խառնել, խառնիչով լավ հարել, մինչև հարթվի։ Ավելացնել կաթն ու սերուցքը (33%), դնել միջին կրակի վրա և անընդհատ խառնելով եփել, մինչև թանձրանա։
_Կրեմը վերցնել կրակից, ավելացնել շոկոլադի կտորները և 50 գ կարագը, խառնել, որպեսզի շոկոլադը հալվի։ Մի կողմ դրեք մինչև ամբողջովին սառչի։ Պարբերաբար պետք է հարել կրեմը, որպեսզի վրան թաղանթ չհայտնվի:
_Ընկույզները տապակել չոր տապակի մեջ, այնուհետև լցնել բլենդերի ամանի մեջ և մանր կտրատել։
_Դրանից հետո թխվածքաբլիթները բլենդերով մանրացնել փշրանքներով ու խառնել ընկույզի հետ։ Մնացած կարագը հալեցնել, լցնել զանգվածի մեջ և խառնել։
_Ափսեի վրա դնել կպչուն թաղանթով կամ յուղաթղթով ծածկված 22 սմ տրամագծով ձևավորման օղակ։
_Խմորը բաժանել 4 մասի, իսկ կրեմը՝ 3 մասի։ Բանանը մաքրել և շրջանաձև կտրատել։
_Լցնել փշրանքների առաջին շերտը, հավասարաչափ տարածել ներքևի մասում և թեթևակի սեղմել բաժակով։ Այնուհետև քսել կրեմ, իսկ վրան դնել բանանի շերտ։
_Այսպես շարունակել շերտերը՝ վերջացնելով ընկույզով խմորի շերտով:
_Տորթը ծածկել թաղանթով և դնել սառնարանում առնվազն 4 ժամ, որպեսզի ներծծվի:
Մատուցելուց առաջ հեռացնել օղակը և թաղանթը։
Ընկույզով տորթը շոկոլադե կրեմով՝ շատ նուրբ է: Ցանկության դեպքում աղանդերը կարող եք զարդարել թարմ հատապտուղներով և մրգերով։ Փորձեք փոխարինել բանանը սալորով և բոլորովին այլ համ ստանալ:
Բարի ախորժակ:
Տեսանյութ
Տորթ առանց թխման. Թագավորական դուետ
