Ընկույզով տորթ. Ամանորյա նրբահամ քաղցրավենիք

Եթե ​​ընկույզի սիրահար եք, ապա այս ընկույզով տորթն անպայման ձեր ճաշակով կլինի։ Բաղադրիչների քիչ քանակությունն ու պատրաստման արագությունը ձեզ հատկապես կուրախացնեն։

Ստիպված կլինենք մի փոքր աշխատել խմորի հետ, բայց առանց դրա հնարավոր չէ:

Ընկույզով տորթ. Անհրաժեշտ բաղադրիչները

_Ձվի սպիտակուց 4 հատ

_Շաքարավազ 130 գր

_Ընկույզ 150 գր

_Աղ 1 պտղունց

_Կիտրոնաթթու 1 պտղունց

_Սերուցք 350 գր

_Շաքարի փոշի 1 ճաշի գդալ

_Սև շոկոլադ 100 գր

_Ցորենի ալյուր 1 թեյի գդալ

Ընկույզով տորթ. Պատրաստման եղանակը

_Շոկոլադը պետք է լինի որակյալ, առնվազն 60% կակաո: Մեզ պետք է մուգ շոկոլադ։

_Սերուցքը վերցնել առնվազն 30% յուղայնության:

_Ընկույզը բլենդերով մանրացնել և մի գդալ ալյուրով խառնել։

_Ավելի նուրբ համի համար ընկույզները կարելի է թեթև բովել տապակի մեջ, թողնել սառչի։

_Սպիտակուցները հարել մինչև ամուր գագաթներ առաջանան: Մոտ 3 րոպե առանց դադարեցնելու հարելը՝ բարակ հոսքով լցնել շաքարավազը, լցնել մի պտղունց կիտրոնաթթու և աղ։

_Ընդհանուր առմամբ, սպիտակուցները հարել մոտ 5-6 րոպե:

_Զգուշորեն խառնել ընկույզը սպիտակուցների հետ բահիկի միջոցով: Երկար չխառնելք։

_Յուղաթղթի վրա գծել 18 սանտիմետր տրամագծով շրջանակներ։

_Խմորը քսել բավականին բարակ շերտով։ Տեսողականորեն այն բաժանեք 6 մասի։

_Խմորի հաստությունը բառացիորեն 3-4 մմ բավարար է։

_Թխել նախապես 180 աստիճան տաքացրած ջեռոցում՝ մոտ 5-7 րոպե։

_Մինչ որոշ շերտերը թխվում են, խմորից այլ շրջանակներ անել:

_Թողնել շերտերը սառչեն և միայն դրանից հետո հանել ջեռոցի տապակից:

_Վերցնել բարակ, երկաթյա, երկար բահիկ և զգուշորեն խմորը առանձնացնել թղթից։

_80 գրամ շոկոլադը հալեցնել ջրային բաղնիքում։ Կարող եք նաև օգտագործել միկրոալիքային վառարան։

_Շերտերից 5-ի վրա բարակ շերտով շոկոլադ քսել և թողնել սառչի, իսկ 6-րդ շերտի վրա մի քսեք:

_Հարել սերուցքը մինչև պնդանա։ Աստիճանաբար 2-3 քայլով ավելացնել շաքարավազը։
Եվ հարել մոտ 5 րոպե։

_Հավաքելը պարզ է՝ դնել շոկոլադ քսած շերտը, մի երկու գդալ կրեմ, շերտը, կրեմը և այլն, մինչև վերջ։ Վրան նույնպես պետք է կրեմ քսել:

_Այնուհետև կրեմը կողքերին քսել, զարդարել մնացած շոկոլադով։ Քերել մանր քերիչով և ուղղակի վրան ցանել։

_Ցանկալի է տորթը երեկոյան պատրաստել, իսկ գիշերը թողնել սառնարանում:

_Այս տորթը կարելի է պատրաստել նույնիսկ 2 օր առաջ։ Դրանից այն միայն կշահի:

Ընկույզով տորթը պատրաստ է

Բարի ախորժակ և ուրախ օրեր բոլորին:

Տեսանյութ

Տորթ Տղամարդու իդեալ