Մեկ կիտրոնով թարմացնող լիմոնադը գրավեց ոչ միայն տղաներիս, այլև նրանց բոլոր ընկերների սրտերը։ Ի վերջո, այս ըմպելիքը կատարյալ է սենդվիչների հետ, կամ ուղղակի ծարավը հագեցնելու համար։ Խորհուրդ եմ տալիս փորձել, քանի դեռ ամառ է:
Այս ըմպելիքը կարելի է պատրաստել ոչ միայն կիտրոնով, այլ նաև նարինջով, լայմով, գրեյպֆրուտով։ Խորհուրդ եմ տալիս նախապես պատրաստել օշարակը։
Թարմացնող լիմոնադ. Անհրաժեշտ բաղադրիչները
_Կիտրոն 1 հատ
_Շաքարավազ 200 գր
_Ջուր 400 մլ
_Գազավորված ջուր 1,5 լ
Թարմացնող լիմոնադ. Պատրաստման եղանակը
_Գազավորված հանքային ջուրը սառեցնել սառնարանում:
_Դանակով կտրել կիտրոնի կեղևը՝ չկտրելով սպիտակ հատվածը։
_Կեղևը լցնել կաթսայի մեջ, ավելացնել շաքարավազը և սովորական ջուրը:
_Խառնուրդը հասցնել եռման աստիճանի և եփել 15 րոպե մարմանդ կրակի վրա։
_Անջատել կրակը և թողնել, որ օշարակը սառչի, այդ ընթացքում կիտրոնի հյութը քամել, լցնել տարայի մեջ։
_Սառեցված օշարակը քամել մաղի միջով:
_Խառնել հյութին, այս խառնուրդին ավելացնել գազավորված ջուրը, խառնել։
_Տարան փակել կափարիչով կամ փաթեթավորել սննդային թաղանթով։
_Լիմոնադը 20 րոպեով դնել սառնարանը։
_Մատուցելուց առաջ ըմպելիքին ավելացնել սառույցի կտորներ։
_Լիմոնադը մատուցելուց անմիջապես առաջ լիմոնադի սափորի մեջ կարելի է ավելացնել կտրատած անանուխ, հաղարջի տերևներ, ռեհան կամ թարխուն:
Կարելի է խառնել կանաչիները, որպեսզի ստացվի յուրահատուկ համ: Իսկ սառեցված հատապտուղները՝ օրինակ հաղարջ, ազնվամորի, չիչխան, կօգնեն փոփոխել ըմպելիքի համը:
Բարի ախորժակ:
Տեսանյութ
Պատրաստում ենք Սմուզի Նանա լայմ