Թարմ կաղամբով աղցան. Շատ արագ պատրաստվող և շատ համեղ, դյուրամարս ամառային ուտեստ
Կարծում ենք, որ շատերը գիտեն, թե ինչպես պատրաստել համեղ, կաղամբով աղցան: Քացախով, խրթխրթան և անուշաբույր կաղամբով աղցանը հաճախ են պատրաստում հասարակական սննդի օբյեկտներում:
Մենք առաջարկում ենք աղցանի մեր տարբերակը՝ հատուկ համեմունքային խորամանկությամբ:
Թարմ կաղամբով աղցան. Անհրաժեշտ բաղադրիչները
- Կաղամբ՝ մոտ 500 գ
- Գազար 1 հատ
- Շաքար 1 ճաշի գդալ
- Աղ 1/2 թեյի գդալ
- Սովորական քացախ 1,5 ճաշի գդալ
- Բուսական յուղ՝ ըստ ճաշակի
Թարմ կաղամբով աղցան. Պատրաստման եղանակը
- Կաղամբը մանր կտրատել, աղ անել և ձեռքերով տրորել:
- Քերել գազարը խոշոր քերիչով, խառնել կաղամբին և թողնել 20 րոպե:
- Ավելացնել շաքարավազ և քացախ, խառնել և լցնել բուսական յուղը՝ ավելացնել ըստ ճաշակի:
- Կաղամբն արդեն պատրաստ է և այն կարելի է մատուցել սեղանին:
Նման կաղամբով աղցանին կարելի է նաև ավելացնել թարմ սամիթ և մաղադանոս կամ սամիթի սերմեր. Դրանք շատ յուրօրինակ համ են հաղորդում կաղամբին և արդյունքում ստացված աղցանն իր համով նման է տակառի մեջ թթու դրած կաղամբի:
Ոմանց դուր է գալիս այս կաղամբը սոխով, մյուսներին՝ մանր կտրատած սխտորով, այնպես որ սոխ կամ սխտոր ավելացրեք ձեր ճաշակով, կարելի նաև կանաչ սոխ ավելացնել: Պահել փակ տարայի մեջ՝ սառնարանում:
Բարի ախորժակ:
Տեսանյութ
Թարմ կաղամբով աղցան