Թեթև թխվածքաբլիթ. Արագ ստացվող փափուկ քաղցրավենիք

Թեթև թխվածքաբլիթի ամենապարզ, մատչելի բաղադրատոմսերից մեկը, որի համար ձեզ անհրաժեշտ կլինի մթերքների նվազագույն հավաքածու:

Թեթև թխվածքաբլիթ. Անհրաժեշտ բաղադրիչները

_Մածուն 1 բաժակ

_Կարագ 100 գր և 80 գր

_Ձու 1 հատ

_Շաքարավազ 80 գր

_Փխրեցուցիչ 1 թեյի գդալ

_Ալյուր 3 բաժակ

_Մի պտղունց աղ

_Վանիլին՝ ըստ ճաշակի

Թեթև թխվածքաբլիթ. Պատրաստման եղանակը

_Ծավալը չափելու համար՝ 1 բաժակը 200 գր

_Մածունը խառնել ձվի և շաքարավազի հետ, մի պտղունց աղ անել, խառնել։

_Լցնել հալած, հովացրած կարագը, խառնել։

_Ավելացնել վանիլինը ըստ ճաշակի և ցանկության։

_Ալյուրը մաղել և խառնել փխրեցուցիչի հետ։

_Ալյուրը մասերով լցնել հեղուկ զանգվածի մեջ և հունցել խմորը։

_Խմորը բաժանել 4 մասի և յուրաքանչյուրը գրտնակել բարակ շերտով, քսել հալած կամ փափկած կարագով, վրան շաքարավազ ցանել և շերտերը շարել իրար վրա։

_Խմորի շերտերը գրտնակել և կտրատել քառակուսիներով, կամ կտրել տարբեր ձևերով։

_Ջեռոցի տապակը ծածկել յուղաթղթով և շարել թխվածքաբլիթները, վրան շաքարավազ ցանել։

_Թխել 180 աստիճանով մոտ 15-20 րոպե (կամ ըստ ջեռոցի)։

Շերտավոր, փափուկ և նուրբ թխվածքաբլիթները շաքարով, կատարյալ են նախաճաշի համար:

Բարի ախորժակ:

Տեսանյութ

Արագ պեսոչնի պեչենի