Բոլոր ձմեռային տոներին մատուցեք թթու խնձոր տաք մսով կերակրատեսակների հետ։ Նման հավելումով թխած թռչնամիսը տպավորիչ և համեղ է ստացվում, դրա նմանն այլ տեղ չեք գտնի:
Իհարկե, ձմռան համար խնձոր կարելի է թթվեցնել, ոչ միայն մսի հետ մատուցելու համար։ Այս պահածոն կարող է լինել հիանալի նախուտեստ՝ սոուսներ կամ նույնիսկ աղանդեր պատրաստելու հիմնական բաղադրիչ։
Պահածոյացման ընթացում պտուղը շատ չի փափկում։ Խնձորները կպահպանեն իրենց հյուսվածքը և խրթխրթան կմնան։
Խնձորի գույնն ու չափը նշանակություն չունի։ Կարևորն է, որ դրանք ամուր լինեն, գերհասունացած պտուղները այստեղ չեն աշխատի: Վերցրեք ձեզ դուր եկած սորտերը և սկսեք պահածոյացնել:
Թթու խնձոր ձմռան համար. Բաղադրիչներ
_Խնձոր 3 կգ
_Բուրավետ պղպեղ 14 հատ
_Մեխակ 21 հատ
_Ջուր 4 լ
_Շաքարավազ 800 գ
_Քացախ 200 մլ
_Դարչին 1 թեյի գդալ
_Կիտրոնաթթու 1 թեյի գդալ
Թթու խնձոր ձմռան համար.Պատրաստման եղանակը
_Կիտրոնաթթուն լուծեք 2 լիտր ջրի մեջ։ Խնձորները մաքրել միջուկներից, կտրատել 4-6 մասի և լցնել թթվացված ջրի մեջ։
_Յուրաքանչյուր բանկայի մեջ լցնել 2 բուրավետ պղպեղ և 3 մեխակ։
_Խնձորներից քամել թթու ջուրը, մրգի կտորները դնել բանկաների մեջ։
_Խնձորների վրա լցնել եռացրած ջուր, բանկաները ծածկել կափարիչներով և թողնել 5 րոպե։
_Կաթսայի մեջ քամել ջուրը բանկաներից, վրան ավելացնել շաքարավազ, քացախ և դարչին։
_Խառնել բաղադրիչները և մարինադը հասցնել եռման աստիճանի:
_Եռացող մարինադը լցնել բանկաների մեջ, փակել կափարիչները։
_Շրջել գլխիվայր, փաթաթել և թող սառչի։
Եթե ձեր խոհանոցում կա 6% խնձորի քացախ, ապա ավելի լավ է այն օգտագործել: Այս դեպքում ձեզ հարկավոր կլինի ոչ թե 200, այլ 300 մլ։ Մի մոռացեք նախապես ստերիլիզացնել բանկաները և կափարիչները, որպեսզի պահածոն չփչանա:
Բարի ախորժակ:
Տեսանյութ
Տանձով և ապխտած մսով աղցան
