Թթվասերով թխվածքաբլիթներ. Պարզ և շատ համեղ քաղցրավենիքն ուղղակի հալվում է բերանում

Փափուկ, ախորժելի, շատ համեղ Թթվասերով թխվածքաբլիթներ։

Ամեն ինչ պատրաստվում է պարզ և արագ, արդյունքն ամեն ինչից վեր է։

Թթվասերով թխվածքաբլիթներ. Անհրաժեշտ բաղադրիչները

_Ձու 1 հատ

_Թթվասեր 100 գր

_Շաքարավազ 2 ճաշի գդալ

_Մի պտղունց աղ

_Վանիլին ըստ ճաշակի

_Փխրեցուցիչ 1 թեյի գդալ

_Կարագ 100 գր

_Ալյուր 320 գր

_Ձու 1 հատ՝ քսելու համար

_Շաքարավազ՝ ցանելու համար

Թթվասերով թխվածքաբլիթներ. Պատրաստման եղանակը

_Մթերքը պետք է լինի սենյակային ջերմաստիճանի:

_Ալյուրը մաղել և խառնել աղի և փխրեցուցիչի, շաքարավազի, վանիլինի հետ:

_Ավելացնել խորանարդներով կտրատած փափուկ կարագը, զանգվածը ձեռքերով մանրացնել փշրանքների։

_Ավելացնել թթվասերն ու ձուն, հունցել փափուկ, ճկուն խմոր։

_Խմորը ծածկել և թողնել 15 րոպե։

_Սեղանին ալյուր ցանել, գրտնակել մոտ 5 — 7 մմ հաստությամբ շերտ։

_Վրան սիլիկոնե վրձինով քսել հարած ձուն ողջ մակերեսին։

_Ցանել շաքարավազ, կարելի է շաքարավազը դարչինի հետ խառնել, կամ կիտրոնի, նարնջի քերուկի հետ, այդ դեպքում թխվածքաբլիթները կլինեն թեթև, ցիտրուսային թթվայնությամբ։

_Օգտագործելով զիգզագ դանակ՝ կտրել կտորներ կամ խմորը կտրել տարբեր կաղապար-ձևերով:

_Ջեռոցի տապակը ծածկել յուղաթղթով և շարել թխվածքաբլիթները։

_Թխել 180 աստիճանով մոտ 20 — 25 րոպե:

Պատրաստեցինք խրթխրթան, փափուկ և համեղ թխվածքաբլիթներ մթերքների պարզ հավաքածուով: Սրանք կարելի է պատրաստել նախաճաշի, կեսօրին թեյի կամ խորտիկի համար:

Բարի ախորժակ:

Տեսանյութ

Արագ պեսոչնի պեչենի