Թխվածքաբլիթներ առանց ձվի. Այնքան համեղ է ստացվում, որ դրանք անմիջապես անհետանում են սեղանից: Կաթնաշոռով թխվածքաբլիթների զարմանալի և նուրբ համը կուրախացնի ձեզ և ձեր սիրելիներին: Թխվածքաբլիթների պարզ և արագ բաղադրատոմս, անպայման պատրաստեք, չեք փոշմանի:
Թխվածքաբլիթներ առանց ձվի. Անհրաժեշտ բաղադրիչներ
_Կաթնաշոռ 300 գ
_Կարագ 100 գ
_Շաքար 20 գ
_Ալյուր 260 գ
_Խմորի փխրեցուցիչ 1 թեյի գդալ
_Աղ 1 պտղունց
_Շաքար 100 գ
_Վանիլ
Թխվածքաբլիթներ առանց ձվի. Պատրաստման եղանակը
_Վերցնել մեծ, խորը աման, մեջը լցնել կաթնաշոռը, մի պտղունց աղ ավելացնել, փափուկ կարագը նույնպես ավելացնել և լավ խառնել:
_Այնուհետև ավելացնել շաքարավազը, խառնել: Ալյուրը խառնել փխրեցուցիչի հետ, մաղել և աստիճանաբար ավելացնել կաթնաշոռին, հունցել փափուկ խմոր:
_Պատրաստի խմորը բաժանել 2 մասի, փաթաթել սննդային թաղանթով, ձևավորել ուղղանկյուններ, որպեսզի ավելի հարմար լինեն գրտնակման համար: Խմորը դնել սառնարանում 30-40 րոպե, որպեսզի հանգստանա:
_Դրանից հետո խմորը հանել, գրտնակել 3 մմ հաստությամբ ուղղանկյուն շերտով: Շաքարն ու վանիլինը խառնել իրար հետ, սա կլինի լցոնումը: Խմորի վրա շաղ տալ շաքարավազը և հարթեցնել այն:
_Խմորի եզրերը ծալել դեպի իրար և ծալել իրար վրա: Այժմ կտրատել 1-1,5 սմ չափաբաժինների: Հետո խմորի յուրաքանչյուր կտոր թաթախել ալյուրի մեջ և տեղափոխել յուղաթղթով ծածկված ջեռոցի տապակի վրա: Վրան թեթևակի շաղ տալ շաքարավազով:
_Թխվածքաբլիթներով տապակը դնել նախօրոք 180 աստիճան տաքացրած ջեռոցի մեջ, թողնել թխվի 15-20 րոպե, մինչև ոսկե դարչնագույն:
Թխվածքաբլիթները պատրաստ են: Կաթնաշոռով շատ նուրբ խմոր, հաճելի վանիլային բույրով, ներսից փափուկ, իսկ դրսից` փխրուն:
Թխվածքաբլիթներն առանց ձվի պատրաստ են:
Բարի ախորժակ:
