Կատարյալ թխվածքաբլիթներ կաթնաշոռով. Անուշաբույր ու հաճելի թխվածք թեյի համար կարող եք պատրաստել շատ արագ

Թխվածքաբլիթներ կաթնաշոռով. Մեզ պետք կլինի մի քիչ կաթնաշոռ և մածուն, արդյունքը ձեզ կհիացնի:

Որքա՞ն հաճախ եք թխվածքաբլիթներ գնում խանութներից: Դրանք սովորաբար փաթեթավորված են վառ տոպրակներով, որոնց նկարում զարմանալի տեսք ունեն։ Մենք գնում ենք թխվածքաբլիթներ՝ չհասկանալով, թե ինչ բաղադրություն ունեն դրանք։

Արտադրողները պատճառաբանւմ են, որ թխվածքաբլիթներն ինքնուրույն պատրաստելը երկար և բարդ գործ է: Այժմ, մենք կփարատենք այս առասպելը, կպատմենք անուշահոտ թխվածքաբլիթներ պատրաստելու պարզ եղանակի մասին։

Թխվածքաբլիթներ կաթնաշոռով. Բաղադրիչները

_ մածուն — 140 մլ

_ կաթնաշոռ — 250 գ

_ կարագ — 120 գ

_ հավի դեղնուց — 2 հատ

_ շաքարավազ — 80 գ

_ վանիլային շաքար — 10 գ

_ ալյուր — 340 գ

_ փխրեցուցիչ — 1 թեյի գդալ

Թխվածքաբլիթներ կաթնաշոռով. Պատրաստման եղանակը

_ Կարագը հալեցնել միկրոալիքային վառարանում։

_ Մի ամանի մեջ միացրեք մեկ դեղնուցը, 40 գրամ հատիկավոր շաքարը, մածունը և կարագը։ Բաղադրիչները հարել հարիչով, մինչև հարթվի։

_ Ալյուրը լցնել դեղնուցային զանգվածի մեջ՝ մաս-մաս։ Ալյուրի երկրորդ մասի հետ ավելացնել փխրեցուցիչը, շաղախել առաձգական, չկպչող խմոր։

_ Կաթնաշոռի մեջ լցնել սովորական շաքարավազի մնացած մասը, վանիլային շաքարավազը։ Ավելացնել դեղնուց և մանրակրկիտ խառնել։

_ Խմորը բաժանել երկու հավասար մասերի։

_ Յուրաքանչյուր մասը գրտնակել շերտով, ոչ ավելի, քան 3 մմ հաստությամբ։

_ Կաթնաշոռի միջուկը դնել խմորի վրա, հավասարաչափ տարածել ամբողջ մակերեսով։

_ Խմորը փաթաթել ռուլետի նման և բաժանել 3 սմ լայնությամբ մասերի։

_ Ջեռոցի տապակը ծածկել յուղաթղթով, շարում ենք թխվածքաբլիթները։

_ Թխել 180 աստիճան տաքացրած ջեռոցում 20 րոպե։

Չմոռանաք վերջում շաքարի փոշի ցանել։ Այժմ պարզ կաթնաշոռային թխվածքաբլիթը կարող եք մատուցել սեղանին։

Բարի ախորժակ:

Տեսանյութ

Կաթնաշոռով թխվածքաբլիթներ