Թխվածքաբլիթներ շոկոլադով. Փխրուն, համեղ և տոնական քաղցրավենիք

Առաջարկում ենք նախաճաշի թեյի համար թխել թխվածքաբլիթներ շոկոլադով:

Նուրբ փխրուն թխվածքաբլիթները շոկոլադի կտորներով թխվում են նույնքան արագ, որքան անհետանում են սեղանից:

Թխվածքաբլիթներ շոկոլադով. Անհրաժեշտ բաղադրիչները

_Ալյուր 2 բաժակ

_Շոկոլադի կաթիլներ 1 բաժակ (կամ 150 գ կտրատած շոկոլադ)

_Շոկոլադ 100 գր

_Կարագ 230 գր

_Շաքարի փոշի 1/2 բաժակ

_Աղ 1/4 թ/գդ

_Վանիլի էքստրակտ 1 թեյի գդալ  (կամ 2 տուփ վանիլային շաքար)

Թխվածքաբլիթներ շոկոլադով. Պատրաստման եղանակը

_Ամանի մեջ լցնել սենյակային ջերմաստիճանի կարագը, ավելացնել մաղած շաքարի փոշին, աղը և բարձր արագությամբ հարել, մինչև համասեռ դառնա:

_Բահիկի օգնությամբ ամանի կողքերից կարագը հավաքել: Վերջում ավելացնել վանիլի էքստրակտը։

_Ալյուրը մաղել և լցնել հարած կարագի վրա։ Հարիչի ցածր արագությամբ, արագ խառնել  ալյուրն ու կարագը։ Խմոր չհունցել, ուղղակի խառնեք։

_Խմորին ավելացնել շոկոլադի կաթիլներ և բահիկով խառնել։

_Խմորը բաժանել, յուրաքանչյուր մասից 4 սմ տրամագծով գլանիկ ձևավորել, փաթաթել սննդային թաղանթով և դնել սառնարանը առնվազն 1 ժամ:

_Ջեռոցի տապակը ծածկել յուղաթղթով։ Ջեռոցը տաքացնել մինչև 175°C։

_Խմորի մի մասը հանել և կտրել 6-8 մմ հաստությամբ շրջանակներով։ Դրանք շարել ջեռոցի տապակի վրա՝ միմյանցից փոքր հեռավորությամբ։

_Թխել թխվածքաբլիթները մինչև կարմրեն, թողնել սառչի և միայն դրանից հետո դասավորել ափսեի մեջ։

_Նույն կերպ թխել խմորի երկրորդ խմբաքանակը:

_Շոկոլադը կտրատել կտորների և հալեցնել միկրոալիքային վառարանում (10 վայրկյան իմպուլսներով՝ ամեն անգամ խառնելով):

_Թխվածքաբլիթի մի եզրը թաթախել շոկոլադի մեջ և դնել մետաղական ցանցի վրա։ Թողնել չորանա։ Այս թխվածքաբլիթները պետք է պահվեն հերմետիկ տուփի մեջ:

Թխվածքաբլիթները շոկոլադով պատրաստ են:

Բարի ախորժակ:

Տեսանյութ

Արագ Պեսոչնի պեչենի