Թխվածքաբլիթներ Տիկնոջ մատներ. Սրանք միանգամից անհետանում են սեղանից:
Անհավանական համեղ քաղցրավենիքը մատուցեք մի բաժակ անուշահոտ թեյի կամ սուրճի հետ: Հաճույք պատճառեք ձեր ընտանիքին և ընկերներին, պատրաստելով այս համեղ թխվածքը:
Թխվածքաբլիթներ Տիկնոջ մատներ. Անհրաժեշտ բաղադրիչներ
Խմոր
_Ալյուր 250 գ (10 ճաշի գդալ լիքը)
_Կարագ 100 գ (82% յուղայնության)
_Թթվասեր 100 գ (4 ճաշի գդալ)
_Սոդա 0,5-1 թեյի գդալ
Լցոն
_Ընկույզ — 150 գ (1 բաժակ` 250 մլ)
_Շաքար — 120 գ (15 ճաշի գդալ)
_Կարագ — 50 գ (2,5 ճաշի գդալ)
Թխվածքաբլիթներ Տիկնոջ մատներ. Պատրաստման եղանակը
_Մի ամանի մեջ լցնել մաղած ալյուրը և քերած կարագը, տրորել իրարով:
_Առանձին ամանի մեջ խառնել թթվասերը և սոդան: Այժմ միացնել երկու զանգվածները:
_Խմորը հունցել, ապա փաթաթեք կպչուն թաղանթով և կես ժամով դնել սառնարանում:
_Այժմ զբաղվենք լցոնմամբ. Դրա համար լցնել տապակի մեջ թեթևակի բոված ընկույզը բլենդերի մեջ, վրան լցնել շաքարավազ, ավելացնել հալած կարագ: Հարել, մինչև ստացվի միատարր զանգված:
_Խմորը բաժանել 2 հավասար մասի և գրտնակել բարակ քառակուսի շերտով: Այնուհետև դանակով կիսել հավասար քառակուսիների, և յուրաքանչյուր քառակուսիի վրա լցնել լցոնից մոտ 1 ճաշի գդալ, որը պետք է հավասար տարածել ամբողջ մակերեսի վրա:
_Այժմ ոլորել խմորը ռուլետներով, շարել պատրաստված գլանիկները ջեռոցի տապակի վրա և թխել նախապես 180 աստիճանով տաքացված ջեռոցում` 15-20 րոպե: Թխելուց հետո վրան շաղ տալ շաքարի փոշի:
Տիկնոջ մատներ Թխվածքաբլիթները պատրաստ են: Դրանք բառացիորեն հալվում են բերանում: Փորձեք պատրաստել, բացարձակապես բոլորին դուր կգա:
Բարի ախորժակ: