Թխվածքաբլիթներ. Թեթև քաղցրավենիք թեյի համար

Այս թխվածքաբլիթները իսկական համի պայթյուն են, չնայած որ դրա համար պետք չեն ոչ ձու, ոչ էլ փխրեցուցիչ:

Ես թխել և փորձել եմ շատ տարբեր թխվածքներ, բայց այս մեկը գերազանցեց ամեն ինչ: Դրանք աներևակայելի քնքուշ են, փշրվում են՝ հենց որ դիպչում են լեզվին և անմիջապես հալչում են բերանում:

Թխվածքաբլիթներ. Անհրաժեշտ բաղադրիչները

_Կարագ 250 գրամ

_Շաքարի փոշի 0,5 բաժակ

_Արևածաղկի ձեթ 1/3 բաժակ

_Օսլա 4 ճաշի գդալ

_Ալյուր 3,5 բաժակ

_Վանիլային շաքար 10 գր

Բոլոր բաղադրիչները նշված են, ոչինչ չի մոռացվել:

Թխվածքաբլիթներ. Պատրաստման եղանակը

_Թասի մեջ լցնել սենյակային ջերմաստիճանի կարագը, ավելացնել շաքարի փոշին և արևածաղկի ձեթը։

_Հարել հարիչով, այնուհետև ավելացնել օսլան՝ շարունակելով հարել։

_Այնուհետև ավելացնել մեկ բաժակ ալյուրը և խառնել գդալով։

_Մնացած ալյուրը մաղել սեղանի վրա, խմորը դնել ալյուրի վրա և հունցել մինչև հարթվի։

_Այնուհետև այն բաժանել 3 մասի։ Յուրաքանչյուր մասից պատրաստել գլանակ, որը պետք է կտրատել։

_Դնել յուղաթղթով ծածկված ջեռոցի տապակի վրա և թխել 180°C ջերմաստիճանում 10-15 րոպե։

Կողմնորոշվեք ըստ ձեր ջեռոցի։

Քանի դեռ տաք են, դրանք պետք է թաթախել շաքարի փոշու մեջ։

Փորձեք աշխարհի ամենահամեղ և նուրբ քաղցրավենիք:

Բարի ախորժակ:

Տեսանյութ

Արագ Պեսոչնի պեչենի