Գանգուր եզրերով թխվածքաբլիթ Պաչիկը շատ տարածված էր Խորհրդային Միությունում։
Այժմ նույնպես մենք կարող ենք գտնել դրանք յուրաքանչյուր հացաբուլկեղենի խանութում: Այնուամենայնիվ, դրանք հատկապես համեղ են ստացվում, եթե թխվում են տանը։
Թխվածքաբլիթ Պաչիկ. Անհրաժեշտ բաղադրիչները
_Ալյուր 330 գր
_Կարագ 100 գր
_Սոդա 0,5 թեյի գդալ
_Ձու 2 հատ
_Թթվասեր 130 գր
_Աղ 1/3 թեյի գդալ
_Շաքարավազ 140 գր
_Վանիլին մի պտղունց
_Կաթնաշոռ 150 գր
_Կաթ 1 թեյի գդալ
Թխվածքաբլիթ Պաչիկ. Պատրաստման եղանակը
_Մեկ ձվից առանձնացնել դեղնուցը սպիտակուցից, երկու բաղադրիչներն էլ անհրաժեշտ կլինեն, բայց առանձին:
_Խորը տարայի մեջ խառնել 310 գրամ ալյուրն ու սոդան։
_Մեկ այլ ամանի մեջ լցնել 100 գրամ թթվասերը, 100գր շաքարավազը, վանիլինն ու ձուն, աղը ավելացնել և մանրակրկիտ խառնել։
_Երբ շաքարավազը լուծվի, կարելի է ավելացնել կարագը, որը պետք է նախապես հարել հարիչով 1-2 րոպե, մինչև կրեմանման լինի։
_Թթվասերի ու սերուցքային կրեմի խառնուրդը պետք է մի քանի րոպե շարունակել հարել:
_Թթվասերային զանգվածը լցնել սոդայով ալյուրի մեջ և մեկ րոպե բահիկով խառնելով՝ խմոր շաղախել։
_Մինչ միջուկը պատրաստվում է, ավելի լավ է խմորը դնել սառնարանը։
_Միջուկի համար կաթնաշոռը, 30 գրամ թթվասերը, 40 գրամ շաքարավազը, 20 գրամ ալյուրը և սպիտակուցը խառնել, մինչև հարթվի։
_Աշխատանքային մակերևույթի վրա գրտնակել 6 մմ-ից ոչ ավելի հաստությամբ խմորի շերտ։
_9 սմ տրամագծով բաժակով կտրատել շրջանակներ։
_Խմորի մնացորդները հավաքել կրկին հունցել, գրտնակել և էլի կտրատել։
_Շրջանակը մտովի երկու մասի բաժանել, մեկի վրա դնել կաթնաշոռի միջուկից՝ 1 ճաշի գդալ։
_Խմորի մյուս մասը ծալելով՝ ազատ կողմով ծածկել կաթնաշոռը։
_Դնել յուղաթղթով ծածկված ջեռոցի տապակի վրա։
_Դեղնուցը խառնել կաթի հետ, խոզանակով քսել յուրաքանչյուրի վրա։
_Ջեռոցը տաքացնել 200 աստիճան, թխել 20 րոպե:
Եթե սիրում եք ավելի քաղցր խմորեղեն, ապա միջուկին ավելացրեք 10 գրամ շաքարավազ։
Բարի ախորժակ:
Տեսանյութ
Կաթնաշոռով թխվածքաբլիթներ