Թխվածք Զեբր. Գեղեցիկ և թեթև քաղցրավենիքը նոր ձևով մատուցեք և հյուրերին հաճույք պատճառեք

Բոլորիս կողմից սիրված թխվածք Զեբր այլևս նորություն չէ, բայց չպետք է մոռանալ բաղադրատոմսերը:

Ես փորձել եմ շատ տարբեր բաղադրատոմսեր, բայց սա լավագույնն է իմ կարծիքով:

Թխվածք Զեբր. Անհրաժեշտ բաղադրիչները

_Աղ 1\5 թեյի գդալ

_Վանիլային շաքարավազ 1 թեյի գդալ

_Կարագ 100 գր

_Ձու 3 հատ

_Կեֆիր 220 մլ

_Ալյուր 200 գր

_Սոդա 1 թեյի գդալ

_Փխրեցուցիչ 1 թեյի գդալ

_Կակաո 10 գր (2 թեյի գդալ)

Թխվածք Զեբր. Պատրաստման եղանակը

_Լցնել շաքարավազը, ավելացնել աղը և փափկած կարագը։

_Հարիչով հարել 4-5 րոպե, մինչև կարագի գույնը բացվի:

_Ձվերը մեկական ավելացնել, հարել 1 րոպե։

_Լցնել սենյակային ջերմաստիճանի մածունը և խառնել։

_Ալյուրին ավելացնել սոդա և փխրեցուցիչ, խառնել: Խմորին ավելացնել ալյուրը, խառնել արդեն գդալով։

_Խմորը բաժանել 2 մասի, մի մասին ավելացնել կակաոն, խառնել։

_Վերցնել ձևամանը (տրամագիծը 20,5 սմ) ծածկել յուղաթղթով (մի քիչ էլ յուղել) և խմորը հերթականությամբ սկսել լցնել՝ սկսած սպիտակից, յուրաքանչյուրը 2 ճ/գ:

_Վերջում, երբ խմորը քիչ մնա՝ լցնել մեկական ճաշի գդալով:

_Գծիկներ անել փայտիկով։

_Թխել 180 աստիճանով մոտ 50 րոպե։ Ստուգել պատրաստ լինելը փայտիկով։

Ահա այսպիսի գեղեցկություն է ստացվում: Թողնել լավ սառչի և մատուցել։

Բարի ախորժակ բոլորին:

Տեսանյութ

Զոլավոր բիսկվիթ