Թխվածք խտացրած կաթով. Անուշաբույր քաղցրավենիք

Իմ սիրելի տատիկը սիրում էր թխել Թխվածք խտացրած կաթով։ Այս թխվածքի անգերազանցելի բույրն ինձ հիշեցնում է իմ մանկության ամենաերջանիկ օրերը։

Նույնիսկ հիմա, երբ ես այն թխում եմ, չեմ կարողանում դիմանալ, մինչև այն դուրս գա ջեռոցից, որովհետև, բույրն աննկարագրելի է:

Իսկ երբ մնացած խտացրած կաթը լցնեք վրան, ուղղակի հեքիաթային համ կլինի:

Թխվածք խտացրած կաթով. Անհրաժեշտ բաղադրիչները

_Ձու 3 հատ

_Խտացրած կաթ 0,5 բանկա (իսկ մնացածը կարելի է լցնել վրան)

_Մածուն 1 բաժակ

_Շաքարավազ 1 ոչ լիքը բաժակ

_Սոդա 1/3 թ/գդ

_Աղ 1/3 թ/գդ

_Ալյուր այնքան, որ խմորը թթվասերի թանձրության ստացվի

Թխվածքաբլիթ խտացրած կաթով. Պատրաստման եղանակը

_Ձուն հարել շաքարավազի հետ, ապա ավելացնել մածունը ու խտացրած կաթը և նորից հարել միատարր զանգված ստանալու համար։

_Ալյուրը մաղել և ալյուրի հետ մեկտեղ ավելացնել աղը և սոդան։

_Խմորը բավականին ջրիկ է, հարելիս երկար ժամանակ մնում են ալիքների հետքերը։

_Թխելու համար նախատեսված տապակին կարագ քսել և ցանել չորահացի փշրանքներ:

_Բիսկվիթը թխվում է ոչ բարձր, բարակ շերտով, այն շատ փարթամ չի ստացվում:

_Խմորը մի փոքր խոնավ է ստացվում ուստի խորհուրդ չեմ տալիս բարձր ձևամաններ վերցնել:

_Ջեռոցը տաքացնել մինչև 200°C և դնել խմորը ներքևի դարակի վրա, ապա կրակն իջեցնել մինչև 170°C և թխել մինչև կիսաեփ լինի։

_Դրանից հետո, խորհուրդ եմ տալիս այն տեղափոխել ջեռոցի միջին դարակի վրա:

_Պատրաստի Թխվածք խտացրած կաթով պետք է կարմրի, իսկ լուցկիով ստուգելիս՝ չոփը չոր դուրս գա։

_Խտացրած կաթը լցնել թխվածքի վրա ու անմիջապես մատուցել թեյի հետ։

Այդպես աներևակայելի համեղ է: Հուսով եմ, որ դա ձեզ նույնպես դուր կգա:

Թխվածքը խտացրած կաթով պատրաստ է:

Բարի ախորժակ։

Տեսանյութ

Բիսկվիթ. Ինչպես պատրաստել Բիսկվիթ