Առաջարկում ենք Թխվածք Կարակում պատրաստելու տարբերակներից մեկը:
Քերած խմորով թխվածք կարող եք պատրաստել տարբեր միջուկներով՝ և՛ քաղցր, և՛ աղի:
Քաղցր խմորն ու հակադիր համով միջուկը շատ հետաքրքիր և օրիգինալ կդարձնեն կարկանդակը։
Թխվածք Կարակում. Անհրաժեշտ բաղադրիչները
_Կարագ 180 գր
_Ալյուր 400 գր
_Շաքարավազ 100 գր
_Ձու 1 հատ
_Թթվասեր 2 ճաշի գդալ
_Վանիլին մի պտղունց
_Փխրեցուցիչ 1 թեյի գդալ
_Ցանկացած միջուկ՝ ըստ ճաշակի (ջեմ, շոկոլադե մածուկ և այլն)
Թխվածք Կարակում. Պատրաստման եղանակը
_Ալյուրը մաղել և խառնել մի պտղունց աղի հետ, քերել սառեցրած կարագը և զանգվածը փշրանքների վերածել։
_Լցնել փխրեցուցիչը և խառնել փշրանքները։
_Ձուն խառնել շաքարավազի հետ և հարել, մինչև հարթ լինի։
_Ձվի զանգվածին ավելացնել թթվասերը և հարել:
_Լցնել փշրանքների մեջ և հունցել փափուկ և ճկուն խմոր։
_Խմորը բաժանել երկու մասի, մեկը մի քիչ փոքր և դնել սառցարանը, մեծ կտորը գրտնակել յուղաթղթի վրա և դնել ջեռոցի տապակի վրա։
_Բացված շերտին ջեմ քսել և խմորի երկրորդ մասը սառցախցիկից հանելով՝ քերել վրան։
_Թխել 180 աստիճան ջերմաստիճանում մոտ 20-30 րոպե, բայց առաջնորդվեք ըստ ջեռոցի։
_Սառելուց հետո, վրան շաքարի փոշի ցանեք և մատուցեք թեյի հետ։
Ախորժելի և բուրավետ կարկանդակը պատրաստվում է շատ արագ։
Բարի ախորժակ:
Տեսանյութ
Կարակում թխվածք մեր մանկությունից
