Կաթնաշոռով թխվածք սպիտակաձավարով ստացվում է շատ նուրբ, փափուկ, թեթև, բուրավետ։
Այն կարելի է մատուցել ծիրանի մուրաբայի, մեղրի, շոկոլադի և ցանկացած այլ քաղցր հավելումների հետ։
Թխվածք սպիտակաձավարով. Անհրաժեշտ բաղադրիչները
_Կաթնաշոռ 600 գր
_Ձու 3 հատ
_Շաքարավազ 3 ճաշի գդալ
_Թթվասեր կամ մածուն 3 ճաշի գդալ
_Սպիտակաձավար 3 ճաշի գդալ
_Կիտրոնի քերուկ կամ վանիլին
_Չամիչ 3 ճաշի գդալ
_Մի պտղունց աղ
Թխվածք սպիտակաձավարով. Պատրաստման եղանակը
_ Ձվերը հարել աղի, շաքարավազի և ցանկության դեպքում՝ վանիլի հետ։
_Լցնել թթվասերը, խառնել, ավելացնել կաթնաշոռ և շարունակել լավ խառնել։
_Ավելացնել քերուկը կամ ավելացնել այլ հավելումներ, չամիչ:
_Լցնել սպիտակաձավարը, զանգվածը խառնել և թողնել 30 րոպե՝ ժամանակ առ ժամանակ խառնելով, որպեսզի սպիտակաձավարը հավասարապես ուռչի։
_Ձևամանը ծածկել յուղաթղթով, յուղ քսել և լցնել խմորը։
_Թխել 180 աստիճանում մոտ 40 րոպե, պատրաստ լինելը ստուգել փայտիկով։
Կստացվի պարզապես կատարյալ, փարթամ և քնքուշ թխվածք, նույնիսկ առանց սոդայի և փխրեցուցիչի:
Եթե վախենում եք, որ սպիտակաձավարը կազդի ձեր քաշի վրա, օգտագործեք կոշտ ցորենի ձավարեղեն։
Կարելի է մատուցելուց առաջ շաքարի փոշի ցանել կամ մուրաբա քսել, եփած խտացրած կաթ կամ շոկոլադե մածուկ։
Բարի ախորժակ:
Տեսանյութ
Սալորով բիսկվիթ. Նրբահամ և փափուկ բիսկվիթ
