Իտալական կարկանդակ Մարգարիտա. Ամենանուրբ, անուշաբույր կարկանդակը բոլոր առիթների համար: Փորձեք այն մեկ անգամ թխել, և այն կդառնա ձեր ընտանիքի սիրելիներից մեկը:
Այս կարկանդակը առիթ կլինի, որ միշտ հավաքվեք ընտանիքով, մի բաժակ սուրճ և մի կտոր այս հիանալի կարկանդակ վայելելու:
Содержание
Իտալական կարկանդակ Մարգարիտա. Անհրաժեշտ բաղադրիչներ
- Դեղնուց 1 հատ
- Ձու 4 հատ
- Մի քանի պտղունց աղ
- Շաքարավազ 125 գ
- Ալյուր 160 գ
- Կարտոֆիլի օսլա 40 գ
- Փխրեցուցիչ 10 գ
- Ձիթապտղի յուղ 2 ճաշի գդալ
- Խոշոր կիտրոնի կեղևի քերուկ
- Շաքարի փոշի` վրան ցանելու համար
Իտալական կարկանդակ Մարգարիտա. Պատրաստման եղանակը
- Սկզբի համար դեղնուցը հարել խորը ամանի մեջ, ապա ավելացնել ձվերը, մի պտղունց աղ անել, ավելացնել շաքար: Հարել հարիչով այնքան, մինչև ծավալը 2-3 անգամ ավելանա: Մոտ 8 րոպե:
- Այնուհետև դրա մեջ մաղել ալյուր, օսլա, փխրեցուցիչ և խառնել հեղուկ զանգվածի հետ: Լցնել ձիթապտղի յուղը, կիտրոնի կեղևի քերուկը և դանդաղ արագության տակ խմոր հունցել:
- Խմորը լցնել նախապես յուղված և ալյուր ցանած ձևամանի մեջ: Թափահարել ձևամանը՝ ավելորդ օդը հանելու համար: Այժմ ձևամանը դնել 170 աստիճան տաքացրած ջեռոցի մեջ և թխել 30 րոպե:
- Վերջում խմորեղենի վրա ցանել շաքարի փոշի և զարդարել այն ըստ ճաշակի: Ցանկության դեպքում կարող եք օգտագործել ցանկացած օշարակ` խմորեղենը ներծծելու համար: Երեւակայությունն այստեղ անսահման է:
Իտալական կարկանդակ Մարգարիտան պատրաստ է: Օդային, անուշաբույր, նուրբ:
Բարի ախորժակ:
Տեսանյութ
Դդումով Բիսկվիտ․ Անսպասելի Համեղ, Նուրբ և Պարզ թխվածք