Իտալական տորթ. Պարզ բաղադրիչներով նուրբ թխվածք

Նույնիսկ սկսնակը կարող է գլուխ հանել Իտալական տորթ պատրաստելու բաղադրատոմսից:

Այն չի պահանջում բարդ բաղադրիչներ, քանի որ աղանդերը հնարավորինս պարզ և համեղ է։ Սա բուրավետ և ախորժելի թխվածք է, որով կարող եք հաճույք պատճառել տնեցիներին

Իտալական տորթ. Բաղադրիչները

_ ձու 2 հատ

_ շաքարավազ 100 գր

_ վանիլին

_ արևածաղկի ձեթ 100 մլ

_ յոգուրտ 100 գր

_ ալյուր 180 գր

_ փխրեցուցիչ 12 գր

_ արքայախնձոր օշարակի մեջ 6 կտոր

_ աղացած նուշ

_ շաքարի փոշի

Իտալական տորթ. Պատրաստման եղանակը

_ 2 ձու կոտրել ամանի մեջ, ապա լցնել 100 գ շաքարավազը և վանիլինը։ Ամեն ինչ խառնել հարիչով։

_ Ավելացնել 100 մլ արևածաղկի ձեթ և 100 գ մածուն։ Կրկին հարել հարիչով:

_ Ալյուրն ու փխրեցուցիչը մաղել։ Խառնել չոր և հեղուկ բաղադրիչները։

_ Խմորը խառնել, որ հասնի միատարր վիճակի, և ոչ մի գնդիկ չմնա։

_Ջեռոցի կաղապարի վրա յուղաթուղթ փռել: Վրան հավասարաչափ տարածել ստացված զանգվածը։

_ Արքայախնձորի կտորները օշարակից հանել, կտրատել, ապա գեղեցիկ շարել խմորի վրա։ Գեղեցկության համար վրան աղացած նուշ շաղ տալ։

_Խմորով կաղապարը դնել հարյուր ութսուն աստիճան տաքացրած ջեռոցում երեսունհինգ րոպեով։

Այժմ տորթը ​​կարող եք զգուշորեն հանել կաղապարից: Սառելուց հետո վրան շաքարի փոշի ցանել և մատուցել սեղանին։

Տորթը կտրվածքի մեջ շատ լավ տեսք ունի, և պարզապես հիանալի համ ունի: Անպայման պետք է թխել։

Բարի ախորժակ:

Տեսանյութ

Տորթ Պլոմբիր