Լոլիկով նախուտեստ. Ամառային թեթև աղցան
Վերջապես, եկել է ժամանակը, երբ լոլիկը դադարում է պլաստմասե տեսք ունենալ: Ես արդեն նկատում եմ տոմատի բնորոշ բույրը, և պտուղներն ավելի հյութալի և փափուկ են դառնում: Իհարկե, բոլորս սպասում ենք որ հայտնվեն հողի վրա աճած լոլիկները: Լոլիկի, սխտորի և կանաչիների համադրությամբ նախուտեստը, իրոք, աննման է:
Կան շատ նմանատիպ բաղադրատոմսեր, և ես փորձել եմ մեկ տասնյակից ավելի: Բայց այս բաղադրատոմսից հետո ես դադարեցրի այս հարցում իմ փնտրտուքները: Ինչպես արդեն հասկացաք, մեզ շատ լոլիկ, սխտոր և համբերություն է պետք: Բայց ես համոզված եմ, որ դուք չեք ափսոսի այդ ժամանակի համար: Ի վերջո, արժե անպայման փորձել ամառային լոլիկի վրա հիմնված նախուտեստը` կծու սխտորի սոուսով:
Լոլիկով նախուտեստ. Անհրաժեշտ բաղադրիչները
- Լոլիկ 2 կգ
- Բուլղարական պղպեղ 4 հատ
- Սխտոր 1 հատ
- Աղ 2 ճաշի գդալ
- Շաքարավազ 80 գ
- Քացախ 100 մլ
- Արևածաղկի ձեթ 100 մլ
- Համեմ՝ ըստ ճաշակի
- Կանաչ չիլի պղպեղ՝ ըստ ճաշակի
Լոլիկով նախուտեստ. Պատրաստման եղանակը
- Կլպել պղպեղը, կտրել շերտ և դնել բլենդերի ամանի մեջ: Ավելացնել մաքրած սխտորը և մի փոքր չիլի:
- Բաղադրությունը հարել միատարր վիճակի հասցնելով:
- Ստացված զանգվածին ավելացնել աղ, շաքար, քացախ (6%) և արևածաղկի ձեթ (կամ ձիթապտուղ): Լավ խառնել:
- Կտրատել կանաչիները և խառնել սոուսին:
- Լոլիկը կտրել եռանկյունիներով:
- Լցնել մի փոքր սոուս խորը ամանի մեջ, ապա լոլիկի մեկ երրորդը:
- Հերթով շարել շերտերը, ավարտելով սոուսով:
- Ծածկել և դնել սառնարանում 2 օր:
Երբ համեմված նախուտեստը լավ ներծծվի, դրեք այն ափսեի մեջ և մատուցեք մսի և այլ ուտեստների հետ: Լոլիկը կծու է, բայց համեղ: Ընդհանուր առմամբ, այ հիանալի է ամառային եղանակին: Այնպես որ, մի հապաղեք, սկսեք պատրաստել:
Լոլիկով նախուտեոտը պատրաստ է:
Բարի ախորժակ:
Տեսանյութ
Կարիր աղցան
