Խմորիչով կեքս պատրաստելու համար առաջարկում ենք 1981 թվականի գերմանական խոհարարական գրքի բաղադրատոմս։
Սա եվրոպական ավանդական խմորեղենի բաղադրատոմսերից մեկն է:
Խմորիչով կեքս. Անհրաժեշտ բաղադրիչները
_Ալյուր 500 գր
_Կաթ 3/4 բաժակ
_Չոր խմորիչ 10 գր
_Շաքարավազ 100 գր
_Կարագ 200 գր
_Աղ 0,5 թեյի գդալ
_Ձու 2 հատ
_Սպիտակ չամիչ 100 գր
_Մանրացված նուշ 2 ճաշի գդալ
_Նուշ 2 ճաշի գդալ
_Կիտրոն 1 հատ
Խմորիչով կեքս. Պատրաստման եղանակը
_Խմորը պատրաստել՝ խառնելով 1 բաժակ ալյուրը, խմորիչը և կաթը։
_Թողնել տաք տեղում 30 րոպե, որ բարձրանա։
_Պատրաստել մեկ կամ երկու կաղապար: Կողերին յուղ քսել ու ցանել 1 թեյի գդալ աղացած նուշ:
_Կաղապարի ներքևում ամբողջական նուշեր շարել։
_Փափուկ կարագը շաքարավազի և աղի հետ հարել հարիչով 10 րոպե։
_Այնուհետև հարելը շարունակելով՝ հերթով ավելացնել ձվերը և հարել ևս 5 րոպե։
_Խմորը լցնել կարագ-ձվի զանգվածի մեջ, ավելացնել մեկ կիտրոնի քերուկը, աղը, լվացած և չորացրած չամիչը, աղացած նուշը։
_Ամեն ինչ խառնել և մաս-մաս ավելացնել մաղած ալյուրը։
_Խառնել ամեն ինչ և լցնել պատրաստված կաղապարների մեջ։
_Թողնել 30-40 րոպե, ապա թխել 25-30 րոպե 180°C ջերմաստիճանում։
_Ցանկության դեպքում սառած խմորեղենի վրա կարելի է ցանել շաքարի փոշի։
Բարի ախորժակ:
Տեսանյութ
Դդումով բիսկվիթ
