Խնձորով աղանդեր. Անուշահամ քաղցրավենիքը հասանելի է բոլորին

Պարզ և մատչելի խնձորով աղանդերը մթերքների տեսականու առումով՝ օրիգինալ և առողջարար է ստացվում։

Խնձորով աղանդեր. Անհրաժեշտ բաղադրիչները

_Խնձոր 1 կգ

_Շաքարավազ՝ ըստ ճաշակի

_Ժելատին 12 գր

_Ջուր 100 մլ

_Կիտրոնի կեղևի քերուկ՝ ըստ ճաշակի

_Դարչին՝ ըստ ճաշակի

Խնձորով աղանդեր. Պատրաստման եղանակը

_Մաքրել խնձորները, հանել միջուկը և կտրատել շերտերով։ Թխել ջեռոցում կամ միկրոալիքային վառարանում 15 րոպե՝ առավելագույն հզորությամբ։ Խյուս անել և թողնել սառչի։

_Խառնել կիտրոնի քերուկի և շաքարավազի հետ։ Կարգավորեք շաքարավազի քանակը, ինչպես ցանկանում եք, կախված խնձորների քաղցրությունից:

_Զանգվածը հարել հարիչով մոտ 5 — 7 րոպե։

_Ժելատինը լցնել սառը ջրի մեջ, երբ այն ուռչի՝ տաքացնել հարմար եղանակով։

_Երկու զանգվածները խառնել և հարել հարիչով, մոտ 10 րոպե։

_Ստացվում է եթերային և թեթև զանգված։

_Աղանդերը լցնել հարմար ամանների մեջ և ըստ ճաշակի ձևավորել, ցանելով դարչին, շոկոլադե քերուկ, ընկույզ և այլն։

Այսպիսի գեղեցիկ նրբություն կարելի է պատրաստել երեխաների ծննդյան օրերի, հյուրեր ընդունելիս, կամ ընտանեկան թեյի սեղանի համար:

Բարի ախորժակ:

Տեսանյութ

Պատրաստում ենք քաղցրավենիք 2 րոպեում