Սա իդեալական տարբերակ է խնձորով բուլկիներ թխելու համար:
Ունիվերսալ խմորը ստացվում է շատ փափուկ և քնքուշ, փարթամ, այն հիանալի համադրվում է տարբեր միջուկների հետ՝ և՛ քաղցր, և՛ աղի:
Խնձորով բուլկիներ. Անհրաժեշտ բաղադրիչները
_Շաքարավազ 4 ճաշի գդալ
_Չոր խմորիչ 7 գր
_Տաք կաթ 300 մլ
_Աղ 1 թեյի գդալ
_Կարագ 40 գր
_Բուսական յուղ 40 գր
_Ձու 1 հատ
_Ալյուր՝ մոտ 600 գր
Միջուկի համար
_Խնձոր 3 հատ
_Շաքարավազ 30 գր
_Կարագ 30 գր
_Դարչին՝ ըստ ճաշակի
_Քսելու համար դեղնուցը խառնել մեկ գդալ կաթի հետ
Խնձորով բուլկիներ. Պատրաստման եղանակը
_Տաք կաթի մեջ լուծել խմորիչը և շաքարավազը, թողնել 10 րոպե։
Հուշում. խմորի համար բոլոր մթերքները պետք է տաք լինեն, որպեսզի խմորն այնուհետև հավասարապես բարձրանա և թխելու ընթացքում փարթամ մնա։
_Ավելացնել բուսայուղը և փափկած կարագը, խառնել։
_Ավելացնել ձուն և աղը, խառնել։
_Լցնել մաղած ալյուրի 1/3-ը զանգվածի մեջ և հունցել։
_Աստիճանաբար ավելացնել ամբողջ ալյուրը և հունցել խմորը, հնարավոր է քիչ կամ շատ ալյուր անհրաժեշտ լինի, այնպես որ պետք է լավ խառնել և շատ չպնդացնել:
_Խմորը ծածկել և 1 ժամով դնել տաք տեղում։
_Մաքրել խնձորները և կտրատել մեծ կտորներով:
_Խմորը գրտնակել և շերտերով կտրատել, պետք է ստացվի 10 — 12 շերտ:
_Յուրաքանչյուրի վրա դնել մի կտոր խնձոր, մի կտոր կարագ, շաքարավազ ցանել և խմորը ռուլետի նման փաթաթել
_Դնել յուղաթղթով ծածկված ջեռոցի տապակի վրա և ծածկած թողնել ևս 15 րոպե։
_Վրան կաթով հարած դեղնուց քսել:
_Թխել 180 աստիճան ջերմաստիճանում 20 — 25 րոպե։
_Սառելուց հետո կարելի է նաև շաքարի փոշի և դարչին ցանել, իսկ ներսում խնձորի հետ դնել մանր կտրատած ընկույզ և չամիչ։
Բարի ախորժակ:
Տեսանյութ
Հեշտ բուլկիներ
