Խնձորով կարկանդակ. Նուրբ, փափուկ և անուշաբույր, այն պատրաստվում է ամենապարզ և մատչելի բաղադրիչներից: Վերևի մասը գեղեցիկ տեսք ու փխրուն կեղև ունի՝ շաքարի և կարագի շնորհիվ:
Содержание
Խնձորով կարկանդակ. Անհրաժեշտ բաղադրիչներ
- Ձու — 1 հատ
- Շաքար — 70 գ + 1-2 ճաշի գդալ
- Վանիլային շաքար — 10 գ
- Հալված կարագ — 30-40 գ
- Կաթ — 120 գ
- Ալյուր — 160 գ
- Թխում փոշի — 1 թեյի գդալ
- Աղ — ¼ թեյի գդալ
- Խնձոր — 2-3 հատ (350-500 գ, որքան շատ խնձոր, այնքան համեղ կլինի կարկանդակը)
- Կիտրոնի կեղևի քերուկ (ըստ ցանկության) — 1 թեյի գդալ
Խնձորով կարկանդակ. Պատրաստման եղանակը, քայլ առ քայլ
- Ձվի վրա ավելացնել շաքար (70 գ), վանիլային շաքար և աղ: Հարել մինչև սպիտակի:
- Ավելացնել կաթ, հալված կարագի կեսը (20 գ), կիտրոնի քերուկ: Եթե կիտրոն չունեք, այս բաղադրիչը կարող եք բաց թողնել, բայց եթե սառնարանում այն կա, ապա անպայման քերեք կեղևը, որովհետև դրա արդյունքում կարկանդակն ունենում է կախարդական բույր:
- Ալյուրը խառնել փխրեցուցիչի հետ և ավելացնել ընդհանուր զանգվածին: Ամեն ինչ խառնել մինչև խմորը միատարր վիճակի հասնի: Պատրաստի խմորը լցնել ձևամանի մեջ (այս դեպքում 21 սմ տրամագիծ ունեցող կաղապար է):
- Մաքրել խնձորները (ըստ ցանկության), հեռացնել միջուկները և կտրել բարակ շերտերով:
- Խնձորի շերտերն ուղղահայաց շարել խմորի մեջ: Որքան շատ խնձոր լինի կարկանդակի խմորի մեջ, այնքան ավելի համեղ կստացվի:
- Ձևավորած կարկանդակի վրա շաքարավազ ցանել (1-2 ճաշի գդալ) և լցնել մնացած կարագը (10-20 գ):
- Թխել 180 աստիճան տաքացրած ջեռոցում 30-40 րոպե: Փայտե չոփիկով ստուգելիս պատրաստ լինելու դեպքում, այն պետք է դուրս գա առանց հում խմորի մնացորդների:
Խնձորով կարկանդակը պատրաստ է:
Բարի ախորժակ: