Ամենահաջող և համեղ խնձորով կարկանդակի բաղադրատոմսերից մեկը։
Այսպիսի բաղադրատոմսերով ստացվում է խմորի և միջուկի ամենահաջող համադրություններից մեկը։
Խնձորով կարկանդակ. Անհրաժեշտ բաղադրիչները
_Խնձոր 3 հատ
_Կիտրոնի հյութ
_Ձու 3 հատ
_Շաքարավազ 150 գր
_Մի պտղունց աղ
_Ալյուր 150 գր
_Փխրեցուցիչ 1 թեյի գդալ
_Թթվասեր 1 ճաշի գդալ
Խնձորով կարկանդակ. Պատրաստման եղանակը
_Ավելի լավ է ընտրել խնձորի քաղցր սորտեր, որպեսզի թխվելիս դրանք վերածվեն նուրբ կրեմի։
_Մաքրել և կտրատել փոքր խորանարդիկներով, ցողել կիտրոնի հյութով, որպեսզի չմգանա։
_Ձվերը հարել աղով, երբ զանգվածը սկսում է աճել, մաս-մաս ավելացնել շաքարավազը և շարունակել հարել, մինչև փարթամանա:
_Ավելացնել թթվասերը, հարել։
_Ալյուրը մաղել և խառնել փխրեցուցիչի հետ, մաս-մաս լցնել զանգվածի մեջ և հարել, մինչև հարթ լինի։
_Խնձորի մեծ մասը խառնել խմորին։
_Ձևամանին քսել բուսայուղ և լցնել մնացած խնձորի խորանարդները:
_Խմորը լցնել վրան ու հարթեցնել։
_Թխել 180 աստիճանում մոտ 15 — 20 րոպե, պատրաստ լինելը ստուգել փայտիկով։
_Հանել կաղապարից, թողնել սառչի և շաքարի փոշի ցանել։
Նուրբ, փարթամ, բուրավետ և հաճելի քաղցրավենիքն ունի բոլոր հնարավորությունները դառնալու ձեր ավանդական ուտեստը նախաճաշի կամ կեսօրվա խորտիկի համար:
Բարի ախորժակ:
Տեսանյութ
Սալորով բիսկվիտ. Նրբահամ և փափուկ
