Ամենահեշտ, բայց միշտ հաջող ստացվող Խնձորով կարկանդակ։
Ես հաճախ պատրաստում եմ նման կարկանդակներ և խորհուրդ եմ տալիս փորձեք, եթե հանկարծ անսպասելի հյուրեր հայտնվեն և դուք պետք է արագ թեյի համար ինչ-որ բան հորինեք:
Խնձորով կարկանդակ. Անհրաժեշտ բաղադրիչները
_Ձու 3 հատ
_Շաքարավազ 200 գր
_Թթվասեր 150 գր
_Բուսական յուղ 80 մլ
_Վանիլին՝ ըստ ճաշակի
_Մի պտղունց աղ
_Փխրեցուցիչ 2 թեյի գդալ
_Ալյուր 250 գր
_Խնձոր 4 հատ
Խնձորով կարկանդակ. Պատրաստման եղանակը
_Ձուն հարել մի պտղունց աղով և ավելացնել շաքարավազն ու վանիլինը, հարել հարիչով, մինչև հարթ լինի։
_Ավելացնել թթվասերն ու բուսական յուղը, լավ խառնել։
_Ալյուրը մաղել և խառնել փխրեցուցիչի հետ, լցնել հեղուկ զանգվածի մեջ և ստանալ համասեռ և թանձր խմոր։
_Խնձորները կտրատել բարակ շերտերով:
_Ձևը ծածկել յուղաթղթով և քսել բուսայուղ։
_Խմորը լցնել և վրան գեղեցիկ շարել խնձորի շերտերը։
_Թխել 180 աստիճանով մոտ 30 — 40 րոպե, պատրաստ լինելը ստուգել փայտիկով։
_Սառելուց հետո ցանել շաքարի փոշի կամ խառնել դարչինի հետ ու այդպես ցանել։
Ստացվում է բարձր, փարթամ, շատ փափուկ, չի փշրվում, խնձորի միջուկը լավ համադրվում է խմորի հետ։ Ցանկության դեպքում կարող եք ցանել նաև մանրացված ընկույզ, որը նույնպես ներդաշնակ է խնձորին:
Բարի ախորժակ:
Տեսանյութ
Լցոնած խնձոր
