Խնձորով կարկանդակ խխունջ. Եթե երբեք չեք փորձել այս խմորեղենն, ուրեմն պետք է շտապ շտկել վիճակը: Նման ախորժելի խմորեղենն անպայման պետք է բազմազանեցնի ձեր ճաշացանկը: Ի վերջո, թեյի համար ավելի իդեալական դեսերտ չկա, քան խնձորով կարմրավուն խխունջը:
Այս նրբագեղությունը կարող եք պատրաստել ինչպես քաղցր, այնպես էլ աղի միջուկներով։ Եթե կանգ եք առել երկրորդ տարբերակի վրա, ապա կարող եք օգտագործել պանիր, կաթնաշոռ՝ խառնած խաշած ձվի և խոտաբույսերի հետ, կամ շոգեխաշած կաղամբ։
Իսկական խխունջ (վերտուտա) պատրաստելիս ամենադժվարը խմորի հետ աշխատելն է։ Այն պետք է լինի կատարյալ բարակ, գրեթե թափանցիկ: Քաղցր միջուկով վերտուտա պատրաստելիս օգտագործեք հալած կարագ, ոչ թե արևածաղկի ձեթ։ Թեև այն ավելի արագ է սառչում, բայց խմորն ավելի դժվար է ձգվում դրա վրա, բայց թխվածքն արդյունքում անսովոր համեղ է ստացվում։
Խնձորով կարկանդակ Խխունջ. Բաղադրիչներ
_Ցորենի ալյուր 500 գ
_Աղ 1 թեյի գդալ
_Արևածաղկի ձեթ 4 ճաշի գդալ
_Կարագ՝ ըստ ճաշակի
_Խնձոր 1 կգ
_Շաքարավազ 120 գ
_Ջուր 1 բաժակ
_Դարչին ըստ ճաշակի
Խնձորով կարկանդակ Խխունջ. Պատրաստման եղանակը
_Խորը ամանի մեջ միացրնել մաղած ցորենի ալյուրը աղի հետ։ Ավելացնել բուսական յուղ և տաք ջուր։ Միասեռ խմոր հունցել։
_Տեղափոխել խմորը աշխատանքային մակերեսին, ձեռքերով հունցել։ Այն մի քանի անգամ խփել սեղանին։
_Խմորը դնել պոլիէթիլենային տոպրակի մեջ, որի ազատ ծայրը պետք է կապել և 10 րոպեով դնել տաք ջրի մեջ։
_Հետո հանել ու հավասար չափի կտորների բաժանել, դրանք գնդիկներ անել, ծածկել սրբիչով։
_Կարագը հալեցնել, դրանով յուղել աշխատանքային մակերեսը։
_Խմորի գնդիկը վրան շրջանաձև գրտնակել։
_Ձեռքերը յուղել, խմորը կենտրոնում ձգեք մատների ծայրերով, մինչև որ դրա միջով երևա սեղանը: Յուղով յուղեք խմորը։
_Պատրաստել միջուկը. Խնձորները մանրակրկիտ լվանալ, կտրել 4 մասի, միջուկները հանում։ Պտղամիսը քերել խոշոր քերիչով։
_Դրա վրա ավելացնել շաքարավազ և աղացած դարչին։ Ամեն ինչ մանրակրկիտ խառնել:
_Մի քանի րոպե անց քամել առանձնացած խնձորի հյութը։
_Մրգային միջուկը փռել խմորի եզրին ու այն ռուլետի պես փաթաթել, ապա պտտել շրջագծով:
_Ստացված խխունջը շրջել, դնել կարագով յուղած տապակի մեջ։
_Նույն քայլերը կրկնել մնացած խմորով և միջուկով։ Ստացված խխունջները կողք կողքի շարել տապակի վրա առանձին կամ իրարից հետո՝ կաղապարի մեջ մեծ խխունջի նման։
_Ձևամանը դնել 190 աստիճան տաքացրած ջեռոցում 40-45 րոպեով։
Խնձորով կարկանդակը պատրաստ է:
Կարելի է նաև քաղցր վերտուտա թխել այլ միջուկներով։ Կարելի է օգտագործել հատապտուղների մուրաբա, հարմար է նաև շաքարավազով և չամիչով կաթնաշոռը։
Բարի ախորժակ:
Տեսանյութ
Պարզ ռուլետ
