Խնձորով ձողիկները դարձել են մեր սիրելի բաղադրատոմսերից մեկը, դրանք շատ փափուկ են, քնքուշ, հեշտ և արագ պատրաստվող:
Խնձորը կարելի է փոխարինել ցանկացած միջուկով։
Խնձորով ձողիկներ. Անհրաժեշտ բաղադրիչները
_Ջուր 130 գր
_Բուսական յուղ 80 գր
_Աղ մի պտղունց
_Շաքարավազ 1 թեյի գդալ
_Ալյուր մոտ 300 գր
Միջուկը պատրաստելու համար
_Խնձոր 5 հատ
_Շաքարավազ 1-2 ճաշի գդալ
_Կարագ 1 ճաշի գդալ
_Դարչին՝ ըստ ճաշակի
_Սպիտակաձավար 1 ճաշի գդալ
Խնձորով ձողիկներ. Պատրաստման եղանակը
_Կեղևավորված խնձորները կտրատել կտորներով և մարմանդ կրակի վրա մոտ 4 րոպե եփել կարագով և շաքարավազով։ Ավելացնել դարչին:
Հուշում. եթե խնձորները շատ հյութալի են, ավելացրեք սպիտակաձավար։
_Թողնել սառչի միջուկը։
_Աղն ու շաքարը լուծել ջրում, խառնել։ Լցնել բուսայուղը, խառնել։
_Լցնել մաղած ալյուրը և հունցել փափուկ խմոր։
Հուշում. եթե պետք է, ավելի շատ ալյուր ավելացրեք, զանգվածը պետք է լինի փափուկ։
_Թողնել 10 րոպե։ Խմորը բաժանել մոտ 20 մասի։
_Գրտնակել բարակ շերտերով, մի կողմում դնել միջուկը և խողովակաձև փաթաթել, եզրերն ամրացնելով: Դա թույլ չի տա, որ միջուկը դուրս հոսի:
_Դասավորել յուղաթղթով ծածկված ջեռոցի տապակի վրա։ Կարելի է վրան քսել հարած դեղնուց։
_Թխել 20 րոպե 220 աստիճան ջերմաստիճանում։
_Երբ թխվածքը սառչի՝ ցանել շաքարի փոշի:
Ստացվում է խնձորի միջուկով շատ նուրբ, փափուկ և բուրավետ, շքեղ խմորեղեն, որը կարելի է մատուցել տոնական սեղանին։
Բարի ախորժակ:
Տեսանյութ
Լցոնած խնձոր ֆրանսիական ձևով
