Փխրուն, փափուկ և խրթխրթան թխվածքաբլիթները կատարյալ են առավոտյան թեյի համար: Ամեն ինչ պատրաստվում է պարզ և արագ։
Խրթխրթան թխվածքաբլիթներ. Անհրաժեշտ բաղադրիչները
_Ձու 1 հատ
_Շաքարավազ 1 ճաշի գդալ
_Մածուն 100 մլ
_Բուսական յուղ 60 մլ
_Վանիլին ըստ ճաշակի
_Մի պտղունց աղ
_Ալյուր 250 գր
_Փխրեցուցիչ 1 թեյի գդալ
_Շաքարավազ՝ ցանելու համար
Խրթխրթան թխվածքաբլիթներ. Պատրաստման եղանակը
_Մթերքը ցանկալի է լինի սենյակային ջերմաստիճանում:
_Ձուն խառնիչով հարել աղի, շաքարավազի և վանիլինի հետ։
_Լցնել մածունը, խառնել։
_Ալյուրը մաղել և խառնել փխրեցուցիչի հետ, մաս-մաս լցնել զանգվածի մեջ և միատարր ու հարթ խմոր հունցել։
_Սեղանին ալյուր ցանել, խմորը դնել ու գրտնակել շերտ՝ մոտ 7 մմ հաստությամբ։
_Ցանել շաքարավազ և գրտնակել, որպեսզի շաքարավազը սեղմվի խմորին։
_Կարելի է պարզապես կտրել թխվածքաբլիթի կտորներ դանակով կամ կտրել ձևերով:
_Ջեռոցի տապակը ծածկել յուղաթղթով և շարել թխվածքաբլիթները։
_Ջեռոցը տաքացնել 180 աստիճանով և թխել թխվածքաբլիթները մոտ 15-20 րոպե կամ ըստ ջեռոցի՝ մինչև ոսկեգույն լինեն։
Այս քանակի մթերքներից ստացվում են մոտ 15 կտոր թխվածքաբլիթներ։ Ուստի խորհուրդ եմ տալիս անմիջապես ավելի մեծ ծավալով մթերք վերցնել և ավելի շատ պատրաստել, քանի որ այն ձեզ անպայման դուր կգա։
Վրան ցանելու համար կարելի է շաքարավազը դարչինի հետ խառնել, այդպես թխվածքաբլիթները բուրավետ և ախորժելի կլինեն։
Բարի ախորժակ:
Տեսանյութ
Մեղրով շատ համեղ և նրբահամ թխվածքաբլիթներ
