Խրթխրթան թխվածքաբլիթներ. Անուշաբույր քաղցրավենիք ընթրիքին

Թթվասերով պատրաստված Խրթխրթան թխվածքաբլիթները շատ հաճելի են։ Այս բաղադրատոմսը խնդրեցի հարևանուհուցս, երբ իր տանը փորձեցի սրանք:

Երբ պատրաստեցի և մատուցեցի՝ երեխաներս հաճույքով կերան: Առավելությունն այն է, որ  թխվածքաբլիթները շատ պարզ ու մատչելի են:

Խրթխրթան թխվածքաբլիթներ. Անհրաժեշտ բաղադրիչները

_Շաքարավազ 0,5 բաժակ

_Վանիլային շաքար՝ ըստ ճաշակի

_Մի պտղունց աղ

_Կարագ 0,5 բաժակ

_Փխրեցուցիչ 10 գր

_Ալյուր մոտ 320 — 350 գր

_Թթվասեր 160 գր

_Շաքարավազ՝ ցանելու համար

Խրթխրթան թխվածքաբլիթներ. Պատրաստման եղանակը

_Շաքարավազը խառնել վանիլային շաքարի և վանիլինի, փափկած կարագի, թթվասերի հետ։

Խորհուրդ՝ կարագը պետք է փափկացնել, ոչ թե հալեցնել։ Այնպես որ, թխելուց մի քանի ժամ առաջ այն հանեք սառնարանից։

_Զանգվածը հարել հարիչով։

_Լցնել մաղած ալյուրի մի մասը և ամբողջ փխրեցուցիչը:

_Խառնել և ավելացնել մնացած ալյուրը։

_Խմորը պետք է լինի փափուկ և ճկուն, այն ալյուրով չծանրաբեռնեք, որպեսզի թխվածքը չոր չստացվի։

_Խմորը թողնել սառնարանում 30 րոպե, այնուհետ հանել ու գրտնակել 5 մմ կամ մի փոքր ավելի հաստ շերտով:

Խորհուրդ. Եթե ձեզ դուր են գալիս խրթխրթան թխվածքաբլիթները, ապա գրտնակեք ավելի բարակ շերտով:

_Գրտնակելուց հետո խմորի վրա շաքարավազ ցանել, կտրատել քառակուսիներով կամ ցանկացած այլ ձևերով։

_Դնել յուղաթղթով ծածկված ջեռոցի տապակի վրա:

_Թխել 180 աստիճանով մոտ 20 րոպե, մինչև ոսկե դարչնագույնը:

_Եթե ​​շատ բարակ եք գրտնակել, ապա թխելու համար 10 րոպեն բավական կլինի։

Բարի ախորժակ:

Տեսանյութ

Արագ պեսոչնի պեչենի