Առաջարկում ենք ձեզ հյուրասիրություն թեյի համար՝ Խրթխրթան վաֆլիներ պատրաստել այս մատչելի բաղադրատոմսով:
Խրթխրթան վաֆլիներ. Անհրաժեշտ բաղադրիչները
_Ալյուր 2 բաժակ
_Շաքարավազ 1 բաժակ
_Կաթ 2 բաժակ
_Կարագ 125 գր
_Վանիլին ըստ ճաշակի
Խրթխրթան վաֆլիներ. Պատրաստման եղանակը
_Կարագը մանր կտրատել (որ ավելի արագ հալվի), լցնել փոքր կաթսայի մեջ և տաքացնել միջին ջերմության վրա։
_Հալած կարագը լցնել խորը տարայի մեջ, ավելացնել շաքարավազը, վանիլինը և մաղած ալյուրը։ Բոլոր բաղադրիչները մանրակրկիտ խառնել։
_Այնուհետև աստիճանաբար կաթը լցնել խմորի մեջ և շարունակել խմոր շաղախել։
_Խառնել այնքան ժամանակ, մինչև այն դառնա թանձր թթվասերի խտության:
_Տաքացնել Վաֆլի պատրաստելու հարմարանքը։ Երբ այն տաքանա, յուրաքանչյուր կաղապարի մեջ լցնել 1 ճաշի գդալ խմոր և փակել այն կափարիչով։
_Թխել խմորը 2 րոպե։ Հենց որ վաֆլին հանենք կաղապարից, այն պետք է անմիջապես տաք փաթաթել՝ տալով խողովակի, կոնի կամ այլ ձև։
_Հետո պատրաստել վաֆլիի հաջորդ բաժինը և այդպես, մինչև ամբողջ խմորը ավարտվի։
Բարի ախորժակ:
Տեսանյութ
Բելգիական վաֆլի
