Ծովամթերքով աղցան. Համեղ ու թեթև նախուտեստ յուրահատուկ երեկոյի համար
Երբ վերանայում էի իմ սիրած խոհարարական գրքերը, նկատեցի, որ բաղադրատոմսերի շարքում ավելի շատ մսով ուտեստներ և խմորեղեն կա: Բայց ես գտա նաև մի երկու բաղադրատոմս ծովամթերքով և որոշեցի, որ ժամանակն է փոքր-ինչ բազմազանեցնել ամենօրյա կերակրացանկը:
Այսպիսով, այսօր ճաշի համար մենք պատրաստում ենք Ծովային քարեր ռոմանտիկ անունով աղցան կաղամարի և խեցգետնի ձողիկներով, որը պարզվեց, որ շատ արագ է պատրաստվում:
Որպեսզի աղցանն իր անունն արդարացնի՝ ավելացնենք կարմիր լոբի: Արդյունքում կստանաք մի գեղեցիկ, գունագեղ ուտեստ: Հատուկ ուշադրություն դարձրեք կաղամարին: Այն պետք է լինի անվնաս և նորմալ գույնի: Ցանկության դեպքում դրա փոխարեն նույնպես կարող եք ձողիկներ ավելացնել, այդպես ավելի քիչ ժամանակ կծախսեք:
Ծովամթերքով աղցան. Անհրաժեշտ բաղադրիչները
- Ծովախեցգետնի ձողիկներ 4 հատ
- Կաղամար 1 հատ
- Մայոնեզ 0.5 ճաշի գդալ
- Ձու 2 հատ
- Լոբի 0.5-1 ճաշի գդալ
- Կանաչ սոխ 2 հատ
- Աղ` ըստ ճաշակի
Ծովամթերքով աղցան. Պատրաստման եղանակը
- Խոշոր կտորներով կտրատել ծովախեցգետնի ձողիկները: Կաղամարը եփել 40 վայրկյան, անհրաժեշտության դեպքում կեղևը հանել և կտրել շերտերով:
- Ձվերը եփել, սառելուց հետո մաքրել և խորանարդաձև կտրատել: Տեղադրել պատրաստված բաղադրիչները ամանի մեջ և ավելացնել կարմիր պահածոյացված լոբին:
- Ավելացնել մայոնեզ, եթե չեք ուզում, ցանկության դեպքում կարող եք այն փոխարինել թթվասերով կամ հունական յոգուրտով:
- Համեմել աղով` ըստ ճաշակի: Սոխը մանր կտրատել և ավելացնել աղցանին:
- Լավ խառնել ամբողջը և դնել սառնարանում 1 ժամով: Երբ աղցանը լավ ներծծվի, կարող եք մատուցել:
Ծովամթերքով աղցանը լավ համադրվում է տարբեր կողմնակի ուտեստների հետ: Այն նաև հարմար է որպես հիմնական խորտիկի համար, քանի որ այն շատ հագեցնող է:
Այս բաղադրիչների քանակը բավարար է փոքր ընտանիքի համար: Եթե հյուրեր եք սպասում, պարզապես համամասնորեն ավելացրեք բաղադրիչների քանակը: Թող ձեր ընկերները նույնպես գնահատեն ձեր պատրաստած աղցանի հաճելի համը:
Բարի ախորժակ
Տեսանյութ
Տապակած ծովախեցգետին
