Թխեք Ծույլ Մեղրային տորթ, շատ փարթամ, քնքուշ և փափուկ, վառ մեղրի համով և բույրով: Տորթ, որը թխվում է շատ ավելի արագ, քան դասական մեղրով տորթը:
Սերուցքով ու խտացրած կաթով կրեմ եմ պատրաստել, շաքարի փոշիով և սովորական թթվասերով էլ կարելի է պատրաստել։
Ծույլ Մեղրային տորթ. Անհրաժեշտ բաղադրիչները
_Մեղր 9 ճաշի գդալ
_Ձու 6 հատ
_Կարագ 300 գր
_Սոդա 0,5 թեյի գդալ
_Փխրեցուցիչ 1 թեյի գդալ
_Շաքարավազ 400 գր
_Ալյուր մոտ 650 գր
_Սերուցք 1 լ
_Խտացրած կաթ 300 գր
Ծույլ Մեղրային տորթ. Պատրաստման եղանակը
_Մեղրը տաքացնել կրակի վրա և լցնել սոդան, խառնել այնքան, մինչև փրփրի։
_Ավելացնել կարագը և հարել, վերցնել կրակից։
_Շաքարավազը, փխրեցուցիչը, ձուն խառնել, հարել հարիչով, մինչև հարթ լինի։
_Լցնել տաք մեղրային զանգվածը և հարել, մինչև հարթ լինի։
_Լցնել մաղած ալյուրը՝ մասերով և ստանալ խմոր, պետք է թանձր լինի։
_Բաժանել 3 մասի և թխել 3 շերտ։
_Ձևամանը յուղել կարագով և լցնել խմորը։
_Թխել բոլոր շերտերը 180 աստիճանով մոտ 15 րոպե, բայց առաջնորդվեք ըստ ձեր ջեռոցի։
_Արդեն սառած շերտերի եզրերը կտրել և մանրացնել փշրանքներով։
_Կրեմի համար սառը սերուցքը հարել հարիչով, մինչև փարթամանա, ապա աստիճանաբար լցնել խտացրած կաթը և հարել մինչև հարթ լինի։
_Տորթը հավաքել՝ շերտերին քսելով կրեմը, քսել նաև վրան ու կողքերը և փշրանքներ ցանել։
_Մի երկու ժամով դնել սառնարանը և կարելի է մատուցել։
Նման աղանդերը պատրաստվում է արագ, մթերքների նվազագույն հավաքածուից, բայց արդյունքը դասական մեղրով տորթին շատ նման է:
Բարի ախորժակ:
Տեսանյութ
Մեղրով տորթ