Ծույլ մեղրով տորթի ամենապարզ բաղադրատոմսերից մեկը, որի համար պետք չէ երկար ժամանակ վատնել և յուրաքանչյուր շերտ թխել առանձին։
Մենք պարզապես թխում ենք մի մեծ թխվածքաբլիթ, կտրում շերտերով և քսում ամենանուրբ թթվասերով կրեմով:
Ծույլ մեղրով տորթ. Անհրաժեշտ բաղադրիչները
_Մեղր 180 գր
_Կարագ 160 գր
_Ձու 4 հատ
_Սոդա 1,5 թեյի գդալ
_Աղ մի պտղունց
_Շաքարավազ 180 գր
_Ալյուր 250 գր
Կրեմը պատրաստելու համար
_Յուղալի թթվասեր մոտ 600 մլ
_Փափուկ պանիր 200 գր
_Շաքարի փոշի 120 գր
_Վանիլին՝ ըստ ճաշակի
Ծույլ մեղրով տորթ. Պատրաստման եղանակը
_Մեղրը խառնել կարագի հետ, հալեցնել մարմանդ կրակի վրա։
_Լցնել սոդան և արագորեն խառնել, որպեսզի փրփուրը դուրս չգա տարայից:
_Վերցնել կրակից և թողնել սառչի:
_Ձվերը հարել շաքարավազի հետ:
_Երկու զանգվածն էլ խառնել՝ չդադարելով հարիչով հարել։
_Լցնել մաղած ալյուրը և խմորը բահիկով խառնել՝ մինչև հարթվի։
_Ծածկել ջեռոցի տապակը յուղաթղթով և լցնել խմորը:
_Թխել 180 աստիճանով մոտ 12 րոպե։
_Տորթը սառեցնել մետաղական ցանցի վրա, եզրերը կտրել, բաժանել շերտերի։
_Թթվասերը խառնել շաքարի փոշու հետ և հարել, մաս-մաս ավելացնել փափուկ պանիրը և հարել կրեմը մինչև փարթամանա:
_Ձևավորել տորթ, շերտերին քսել կրեմ, վրան ցանել մանրացված փշուրներ:
_Տորթը դնել սառնարանը մի քանի ժամով, որպեսզի կայունանա և ներծծվի:
Մեղրի բույրն այնքան թանձր կլինի, որ այն չի անհետանա, քանի դեռ չի վերջացել տորթը: Դեսերտը փափուկ և քնքուշ է, այն պարզապես հալչում է բերանում։
Բարի ախորժակ:
Տեսանյութ
Մեղրով տորթ