Եվրոպայում այս Ծույլ Նապոլեոնը մեծ պահանջարկ է վայելում, այն մատուցվում է մի քանի տարբերակով, թե խմորեղենի մասնագիտացված բաժիններում, թե սրճարաններում:
Այս թխվածքը պարզապես հիանալի տեսք ունի և պատրաստելը բավականին պարզ է:
Շերտովոր խմորը սառնարանից հանել, մի քանի պարզ քայլ և համեղ աղանդերը պատրաստ է: Վերջում վրան ցանեք շաքարի փոշի և վայելեք նրբությունը։
Ծույլ Նապոլեոն. Անհրաժեշտ բաղադրիչները
_Շերտավոր խմոր 500 գր
_Շաքարի փոշի
Կրեմի համար
_ Կաթ 3/4 բաժակ
_Սերուցք 35% 3/4 բաժակ
_Դեղնուցներ 4 հատ
_Շաքարավազ 1/2 բաժակ
_Այուր 2,5 ճաշի գդալ
_Վանիլի էքստրակտ 1/2 թեյի գդալ
Ծույլ Նապոլեոն. Պատրաստման եղանակը
_Կրեմ պատրաստելու համար կաթն ու սերուցքը լցնել կաթսայի մեջ, դնել կրակին ու տաքացնել, բայց չեռացնել, վերցնել կրակից և թող մի թեթև սառչի:
_Մեկ այլ ամանի մեջ խառնել ձվի դեղնուցներն ու շաքարավազը, ապա ավելացնել ալյուրն ու վանիլի էքստրակտը։
_Աստիճանաբար լցնել տաք կաթը՝ սերուցքն անընդհատ հարելով։
_Դնել մարմանդ կրակի վրա և եփել՝ անընդհատ խառնելով, մինչև թանձրանա, 5 րոպե։
_Կրեմը լցնել ամանի մեջ, մակերեսը ծածկել սննդային թաղանթով (թաղանթը կպցնելով կրեմին, որ կեղև չառաջանա) և 3 ժամ թողնել սառնարանում։
_Ջեռոցը տաքացնել մինչև 180°C։
_Շերտավոր խմորից կտրել հավասար քառակուսիներ (մոտ 8×8 սմ):
_Տեղադրել յուղաթղթով ծածկված ջեռոցի տապակի վրա։
_Խմորը պատառաքաղով մի քանի տեղից ծակծկել, վրան շաքարավազ ցանել և թխել 20 րոպե։
_Խմորը պետք է լավ բարձրանա և դառնա բաց ոսկեգույն։
_Հանել տապակը ջեռոցից և թող թխված կտորները սառչեն, ապա յուրաքանչյուր կտորը կտրել մեջտեղից՝ հորիզոնական:
_Կրեմը լցնել հրուշակեղենի տոպրակի մեջ և քսել ներքևի շերտերին, ծածկել վերևի մասին և վրան շաքարի փոշի ցանել։
Բարի ախորժակ:
Տեսանյութ
Նապոլեոն տորթ շատ համեղ և ճոխ թխվածք
