Առաջարկում ենք պատրաստել Շատ մատչելի ծույլ տորթ: Այս բաղադրատոմսով կհամոզվեք, որ համեղ տորթը կարող է շատ մատչելի լինել:
Այս տորթը երևի պետք է միանգամից երկու հատ պատրաստել, որովհետև շատ արագ կուտվի ու չի հասնի մինչև երեկո )
Արևելքի բնակիչներն ավելի զգայուն են տորթերի պատրաստման նկատմամբ։ Արաբական երկրներում միշտ փորձեր են արել թխվածքաբլիթներով, կրեմով և այլ բաղադրիչներով։
Տորթերը միշտ առաջատար են մարդկանց ամենասիրելի աղանդերների ցանկում։ Ժամանակակից աշխարհում մենք կարող ենք պատրաստել այդպիսի աղանդերների լայն տեսականի։ Ընդամենը կես ժամից պարզ տորթ կպատրաստենք։
Շատ մատչելի ծույլ տորթ. Բաղադրիչները
_ խմորիչով շերտավոր խմոր — 500 գ
_ կարագ — 50 գ
_ կաթ — 250 մլ
_ կոկոսի փաթիլներ — 2 ճաշի գդալ
_ շաքարավազ — 2 ճաշի գդալ
_ խտացրած կաթ — 150 մլ
_ վանիլին — 1/2 թեյի գդալ
_ ալյուր — 3 ճաշի գդալ
Շատ մատչելի ծույլ տորթ. Պատրաստման եղանակը
_ Շերտավոր խմորը դնել յուղաթղթով ծածկված ջեռոցի տապակի վրա։ Խմորը պատառաքաղով կամ փայտե շամփուրով ծակծկել տարբեր տեղերում։
_ Ջեռոցը տաքացնել 180 աստիճանով, թխել շերտերը 15 րոպե։
_ Կաթը լցնել խորը տարայի մեջ, ավելացնել շաքարավազը, վանիլինն ու ալյուրը։ Բաղադրիչները հարել այնքան, մինչև շաքարավազի հատիկները լուծվեն հեղուկի մեջ։
_ Կաթի խառնուրդը լցնել կաթսայի մեջ, եփել մարմանդ կրակի վրա, մինչև թանձրանա։ Հենց զանգվածը սառչի, պետք է մեջը լցնել խտացրած կաթ, կարագ և կոկոսի փաթիլներ։
_ Հարեք բաղադրիչները մինչև հարթվի:
_ Թխված շերտերը բաժանել բարակ շերտերի, յուրաքանչյուրին քսել կրեմ։
_ Շերտերն իրար վրա դնելով ստանալ լիարժեք տորթ, կես ժամ սառեցնել սառնարանում։
Ցանկության դեպքում ծույլ տորթի բաղադրատոմսին կարող եք ավելացնել մրգեր և հատապտուղներ, իսկ շերտերի բաժանելուց հետո մնացած փշուրը ծառայում է որպես դեկորի տարր։
Բարի ախորժակ:
Տեսանյութ
Տորթ Նապոլեոն
