Եկեք այսօր պատրաստենք նուրբ, մեղրահամ քաղցրավենիք, որը շատ փափուկ է և հաճելի: Սա իհարկե դասական փախլավա չէ, բայց պարզ բաղադրատոմսով ստանում ենք զարմանալի արդյունք:
Ծույլ փախլավա. Անհրաժեշտ բաղադրիչները
_Ձու 1 հատ
_Կեֆիր 125 մլ
_Խնձորի քացախ 1 ճաշի գդալ
_Բուսական յուղ 40 մլ
_Հալված կարագ 30 մլ
_Փխրեցուցիչ 1 տուփ
_Աղ մի պտղունց
_Ալյուր 480 գ
Ծույլ փախլավա. Պատրաստման եղանակը
_Ձուն խառնել կեֆիրի, հալված կարագի, բուսական յուղի, քացախի, փխրեցուցիչի և մի պտղունց աղի հետ:
_Լցնել մաղած ալյուրը և հունցել փափուկ խմոր, ծածկել և թողնել 15 րոպե:
_Խմորը բաժանել 4 մասի, յուրաքանչյուրը գրտնակել բարակ շերտով և քսել հալած կարագ:
_Բոլոր շերտերը դնել իրար վրա և գրտնակել:
_Վրան շաղ տալ մանրացված գետնանուշ կամ ընկույզ` ըստ ճաշակի և շերտը ոլորել:
_Կտրել խմորը մասերով և դնել ջեռոցի տապակի վրա, որը ծածկված է յուղաթղթով:
_Վրան հալված կարագ քսել:
_Թխել 160 աստիճանով տաքացված ջեռոցում, մոտ 1 ժամ:
_Հանել ջեռոցից և վրան լցնել տաք, քաղցր օշարակ կամ մեղր:
Երբ քաղցրավենիքը սառչի, կարող եք մատուցել թեյի հետ: Ձեզ անպայման դուր կգա արևելյան նրբության նման քաղցրավենիքը, որը, քնքուշ և փափուկ է:
Բարի ախորժակ:
Տեսանյութ
Շերտավոր խմոր
