Այս կաթնային բիսկվիթը կարելի է նկարագրել միայն երկու բառով՝ քնքուշ և թեթև: Այն հիանալի է տորթերի մեծ մասի համար, պարզապես փոխեք միջուկը:
Պարզ կաթնային բիսկվիթը 100 տոկոսով համապատասխանում է իր անվանը: Պարզ, քանի որ այն շատ ժամանակ և բաղադրիչներ չի պահանջում, կաթնային՝ քանի որ դրա հիմքը կարագով տաք կաթն է։
Կաթնային բիսկվիթ. Անհրաժեշտ բաղադրիչները
_Կաթ 250 մլ
_Կարագ 50 գր
_Փխրեցուցիչ 2 թեյի գդալ
_Շաքարավազ 300 գր
_Աղ 0,5 թեյի գդալ
_Ձու 4 հատ
_Վանիլային շաքար 10 գր
_Ցորենի ալյուր 300 գր
Կաթնային բիսկվիթ. Պատրաստման եղանակ
_Ալյուրը խառնել փխրեցուցիչի և աղի հետ, ալյուրը մաղել:
_Կաթի մեջ ավելացնել կարագը և հասցնել եռման աստիճանի:
_Չոր ամանի մեջ հարել ձուն շաքարավազի հետ, մինչև փարթամ փրփուր ստացվի։
_Այնուհետև միացնել հարիչի նվազագույն արագությունը և տաք կաթի կեսը լցնել ձվերի վրա, խառնել։
_Ավելացնել ալյուրի կեսը և նույն արագությամբ հարել, լցնել կաթի մյուս կեսը և ավելացնել մնացած ալյուրը՝ դանդաղ խառնելով։ Պետք է ստացվի թեթև, եթերային խմոր։
_Կաղապարը ծածկել յուղաթղթով և խմորը լցնել մեջը։
_Կաղապարը դնել 180 աստիճան տաքացրած ջեռոցում և թխել 40 րոպե։
_Թխվածքը թողնել սառչի, վրան շաքարի փոշի ցանել և մատուցել թեյի հետ։
Այս բիսկվիթը լավ համակցվում է տարբեր կրեմների, միջուկների՝ մրգային կամ կարամելի նոտաներով:
Բարի ախորժակ:
Տեսանյութ
Ձվանի բիսկվիթ
