Կաթնային կարկանդակ խնձորով. Արագ ու պարզ բաղադրատոմս

Ես Կաթնային կարկանդակ խնձորով թխում եմ շատ հաճախ:

Կաթնային կարկանդակի խմորը հեշտ է հունցվում: Գնդիկներ չեն առաջանում։

Պատրաստի թխվածքն ունի հաճելի սերուցքային գույն, բառացիորեն մետաքսի հյուսվածք և վանիլի համ: Գեղեցիկ է, և որ ամենակարևորն է, այս առողջարար խնձորի աղանդերը պատրաստվում է առավելագույնը 40 րոպեում։ Եթե ​​դուք նույնպես, սիրում եք առանց ավելորդ չարչարանքի պատրաստել, ապա այս բաղադրատոմսը հաստատ ձեզ համար է:

Երևի մտածել եք՝ պե՞տք է խնձորները մաքրել կարկանդակներ թխելիս։ Ամեն ինչ կախված է պտղի տեսակից և հասունությունից: Եթե այնուամենայնիվ ցանկանում եք կեղևով թողնել, ապա կտրեք փոքր կտորներ:

Կարելի է նաև խնձորների վրա նախապես դարչին և շաքարավազ շաղ տալ՝ մի քանի ժամից դրանք շատ ավելի կփափկեն։

Կաթնային կարկանդակ խնձորով. Բաղադրիչներ

_Ձու 3 հատ

_Շաքարավազ 100 գ

_Աղ 1 պտղունց

_Վանիլային շաքարավազ 1 թեյի գդալ

_Կաթ 100 մլ

_Կարագ 80 գ

_Ցորենի ալյուր 240 գ

_Փխրեցուցիչ 1 թեյի գդալ

_Խնձոր 800 գ

Կաթնային կարկանդակ խնձորով. Պատրաստման եղանակը

_Սենյակային ջերմաստիճանի ձվերը կոտրել ամանի մեջ: Ավելացնել աղ, շաքարավազ, վանիլային շաքար:

_Բաղադրիչները հարել հարիչով, մինչև լուծվեն։ Եթե ​​ցանկանում եք, կարող եք ավելացնել մի քիչ դարչին։

_Հետո կաթն ավելացնել ձվի խառնուրդին և մանրակրկիտ հարել:

_Կարագը հալեցնել միկրոալիքային վառարանում կամ շոգեբաղնիքի վրա, լցնել ապագա խմորի մեջ։

_Ապա ալյուրը մաղել փխրեցուցիչով, ամեն ինչ մանրակրկիտ խառնել, մինչև հարթվի:

_Խնձորները մանր կտրատել (խորանարդիկներով):

_Թխելու համար նախատեսված կաղապարը յուղել կարագով կամ բուսական յուղով։

_Ներքևում դնել կտրատած խնձորները և վերևից հավասարաչափ լցնել խմորը։

_Թխել կաթնային կարկանդակ խնձորով 180 աստիճան ջերմաստիճանում 30 րոպե։

Պատրաստ լինելը կարող եք ստուգել ատամի չոփիկով։ Տորթը ծակելուց հետո այն պետք է մնա մաքուր և չոր։

Բարի ախորժակ:

Տեսանյութ

Դդումով բիսկվիթ