Կաթնային մայոնեզ առանց ձվի. Տնական բաղադրատոմս
Այսօր խանութներում կա մայոնեզի հսկայական բազմազանություն, ցանկացած ճաշակի և գնի: Նախկինում դա այդպես չէր, և մեր տատիկները իրենց ձեռքով մայոնեզ էին պատրաստում: Ինչու՞ չփորձել:
Ահա, թե ինչպես պատրաստել մայոնեզը տանը: Այս բաղադրատոմսի առանձնահատկությունը մեր սիրած սոուսի պատրաստման արագությունն է: Ընդամենը մի քանի րոպե, և արդեն կարող ենք համեմել աղցանը կամ մեկ այլ ուտեստ: Մի մտահոգվեք տնական մայոնեզում հում ձվի առկայության համար. Դրանք այս դեպքում բացառվում են:
Տանը մայոնեզ պատրաստելու համար լավագույնն է օգտագործել առանց հոտի բուսական յուղ: Եվ ընտրել 5%-անոց քացախ: Եթե տանը կա 9%-անոց, ապա ավելացրեք ոչ թե 2, այլ 1.5 ճաշի գդալ: Դուք նույնիսկ կարող եք քացախը փոխարինել կիտրոնի հյութով: Ավելացրեք 3 ճաշի գդալ և կարող եք օգտագործել կաթնային մայոնեզը:
Կաթնային մայոնեզ առանց ձվի. Անհրաժեշտ բաղադրիչները
- Կաթ 100 մլ
- Արևածաղկի ձեթ 200 մլ
- Մանանեխ 1 թեյի գդալ
- Աղ 0,5 թեյի գդալ
- Շաքարավազ 2 թեյի գդալ
- Քացախ 2 ճաշի գդալ
Կաթնային մայոնեզ առանց ձվի. Պատրաստման եղանակը
- Խառնել նույն ջերմաստիճանի բուսական յուղն ու կաթը:
- Ավելացնել աղ, շաքար և հարել բլենդերով, մինչև որ պնդանա:
- Ավելացնել մանանեխն ու քացախը և հարել մինչև համասեռ դառնա:
Սա տնական մայոնեզի ամենապարզ բաղադրատոմսն է, որն այժմ հայտնվել է ձեր խոհարարական գրքում: Այս ունիվերսալ սոուսը կատարյալ է ցանկացած ուտեստի համար: Համաձայնեք, որ տնականը միշտ ավելի համեղ է:
Կաթնային մայոնեզն առանց ձվի պատրաստ է:
Բարի ախորժակ:
Տեսանյութ
Տնական մայոեզ