Կաթնային պաղպաղակ. Համեղ և զովացնող աղանդեր
Այս բաղադրատոմսով պատրաստված պաղպաղակն ունենում է մանկությունից սիրված համ և բույր: Այն պատրաստվում է պարզ և արագ: Խանութում ավելի լավ է տնական կամ ամենայուղլի կաթը վերցնել:
Կաթնային պաղպաղակ. Անհրաժեշտ բաղադրիչները
- Կաթ 900 գ
- Ձու 6 հատ
- Շաքար 250 գր
Կաթնային պաղպաղակ. Պատրաստման եղանակը
- Սպիտակուցներն առանձնացնել դեղնուցներից:
- Դեղնուցները խառնել 100 գ շաքարավազի և 100 մլ կաթի հետ, հարել հարիչով: Ավելացնել վանիլին՝ ըստ ճաշակի:
- Հարած դեղնուցները լցնել մնացած կաթի մեջ և եփել զանգվածը թույլ կրակի վրա, մինչև որ այն թանձրանա: Գործընթացը տևում է մոտ 8 րոպե:
- Սպիտակուցները հարել 250 գ շաքարավազով և դնել ջրային բաղնիքի վրա, տաքացնել 7 րոպե, անընդհատ խառնելով և հարել մինչև սառչի: Զանգվածը պետք է դառնա թանձր և պինդ:
- Երկու զանգվածներն էլ բահիկով խառնել, այնուհետև հարիչով հարել մինչև համասեռ զանգված ստացվի:
- Զանգվածը լցնել կաղապարների մեջ և դնել սառնարանում 3 — 4 ժամ:
Մատուցել շոկոլադով, ջեմով, թարմ մրգերով և հատապտուղներով, ընկույզներով և այլ համեղ հավելումներով:
Հարելու վերջին փուլում կարող եք զանգվածին ավելացնել կակաո և ստանալ համեղ շոկոլադե պաղպաղակ: Բայց վերցրեք միայն բարձրորակ կակաո՝ բարձր յուղայնությամբ:
Կաթնային պաղպաղակը պատրաստ է:
Հաճելի համտեսում:
Տեսանյութ
Պաղպաղակ ելակով, վանիային և շոկոլադով
