Տնական Կաթնաշոռային աղանդեր համեղ թեյի համար: Սա պարզ բաղադրատոմս է։ Շատ նուրբ թխվածքը կաթնաշոռի միջուկով՝ պարզապես հալվում է բերանում:
Միշտ էլ մեր ձեռքով պատրաստված թխվածքները շատ ավելի համեղ են: Երեխաները շատ են սիրում նման քաղցրությունը, և հյուրերն անտարբեր չեն մնա։
Խորհուրդ եմ տալիս պահպանել այս բաղադրատոմսը:
Կաթնաշոռային աղանդեր. Անհրաժեշտ բաղադրիչները
_Ալյուր 450-500 գրամ
_Կարագ (փափկած) 100 գրամ
_Շաքարավազ 120 գրամ
_Թթվասեր 120 գրամ
_Ձու 1 հատ
_Փխրեցուցիչ 2 թեյի գդալ
_Աղ 1 պտղունց
Լցոնի համար
_Շաքարավազ 2 ճաշի գդալ
_Թթվասեր 2 ճաշի գդալ
_Սպիտակաձավար 1 ճաշի գդալ
_Կաթնաշոռ 350 գրամ
_Ձու 1 հատ
_Վանիլին՝ ըստ ճաշակի
Կաթնաշոռային աղանդեր. Պատրաստման եղանակը
_Փափկած կարագը դնել ամանի մեջ, ավելացնել շաքարավազը: Կարագն ու շաքարավազը լավ խառնել։
_Ավելացնել թթվասերը, ձուն, ցածր արագության տակ այս ամենը հարիչով հարել։
_Այնուհետև ավելացնել փխրեցուցիչը, ալյուրը և խմոր հունցել։
_Պատրաստի խմորը 15-20 րոպեով դնել սառնարանը։
_Միջուկի համար կաթնաշոռը լցնել առանձին տարայի մեջ, ավելացնել շաքարավազը։
_Թթվասերը, սպիտակաձավարը, սպիտակուցը, վանիլինը հարիչով հարել ցածր արագությամբ։
_Խմորը հանել սառնարանից։ Վերցնել մի փոքր կտոր խմոր և գրտնակել շերտով։
_Շերտի մեջտեղում դնել կաթնաշոռի միջուկը, խմորը զգուշորեն փակել։
_Հարել ձվի դեղնուցը, պատրաստի բլիթներին քսել հարած դեղնուց։
_Թխել 200 աստիճան տաքացրած ջեռոցում, մոտ 30-35 րոպե։
Վայելեք զարմանալի համն ու աստվածային բույրը։
Բարի ախորժակ:
Տեսանյութ
Կաթնաշոռով թխվածքաբլիթնոր
