Կաթնաշոռային բլիթները կարող եք ուտել հենց այնպես, կամ բացարձակապես ցանկացած լցոնի, քսուքի հետ:
Վստահեցնում ենք, որ դուք պարզապես կհիանաք համից: Բլիթները դրսից փխրուն կեղևով են, իսկ ներսից` քնքուշ ու փափուկ: Ավելի լավ բաղադրատոմս չեք գտնի:
Կաթնաշոռային բլիթներ. Անհրաժեշտ բաղադրիչները
_Կաթնաշոռ 250 գ
_Ալյուր 200 գ
_Ձու 1 հատ
_Շաքար 3 ճաշի գդալ
_Բուսական յուղ 1 ճաշի գդալ
_Աղ 1 պտղունց
_Շաքարի փոշի
_Ջեմ ՝ ըստ ցանկության
_Թթվասեր 1 ճաշի գդալ
_Վանիլային շաքար 1 թեյի գդալ
_Փխրեցուցիչ 1 թեյի գդալ
Կաթնաշոռային բլիթներ. Պատրաստման եղանակը
_Ձուն, շաքարը, վանիլինը խառնել, ավելացնել աղ և լցնել բուսական յուղը: Հետո ավելացնել թթվասերը և ամեն ինչ մանրակրկիտ խառնելով հարել:
_Կաթնաշոռը լցնել ամանի մեջ և խառնիչով հարել մինչև ջրիկանա: Խառնել ալյուրը և փխրեցուցիչը և լցնել ամանի մեջ: Մանրակրկիտ խառնել ամեն ինչ:
_Լցնել մնացած ալյուրը և հունցել հարթ, միատարր խմոր: Խմորը բաժանել 12 հավասար մասերի: Մասերի յուրաքանչյուր կտորից գնդիկ կազմել:
_Վերցնել մի փոքր բաժակ կամ խմորեղենի հարմարանք, և յուրաքանչյուր գնդիկի մեջտեղում փոսիկ անել:
_Այժմ ջեռոցի տապակը ծածկել յուղաթղթով և տեղափոխեք բլիթի խմորները դրա վրա, թեթևակի կաթ քսել բլիթների վրա:
_Ջեռոցը տաքացրեք 180 աստիճանով, տապակը դրեք ջեռոցը և 25 րոպե թողեք, որ լավ թխվի:
Եթե ցանկանում եք, կարող եք զարդարել շաքարի փոշիով, ցանկության դեպքում ավելացնել նաև ցանկացած միջուկ:
Կաթնաշոռային բլիթները պատրաստ են:
Բարի ախորժակ: