Նուրբ միջուկով փափուկ ու եթերային Կաթնաշոռային կարկանդակը ստացվում է անչափ քնքուշ ու հաճելի։ Սա թեյի հետ հյուրերին մատուցելու համար իդեալական տարբերակ է։
Ամեն ինչ պատրաստվում է պարզ և արագ, ի դեպ, կաթնաշոռին կարելի է ավելացնել ցանկացած միջուկ։
Կաթնաշոռային կարկանդակ. Անհրաժեշտ բաղադրիչները
_Ձու 2 հատ
_Շաքարավազ 80 գր
_Թթվասեր 200 գր
_Բուսական յուղ 2 ճաշի գդալ
_Ալյուր 180 գր
_Փխրեցուցիչ 10 գր
Միջուկի համար
_Կաթնաշոռ 350 գր
_Շաքարավազ 80 գր
_Վանիլին՝ ըստ ճաշակի
_Ձու 2 հատ
_Սպիտակաձավար 2 ճաշի գդալ
_Ծիրանի չիր կամ այլ լցոն՝ ըստ ճաշակի
Կաթնաշոռային կարկանդակ. Պատրաստման եղանակը
_Ձուն խառնել շաքարավազի հետ և հարել, մինչև փարթամանա:
_Ավելացնել թթվասերն ու բուսայուղը, հարել։
_Ավելացնել մաղած ալյուրը փխրեցուցիչով, շարունակել հարել։
_Միջուկի համար կաթնաշոռը խառնել այլ մթերքների հետ։
Հուշում․ կարող եք ցանկացած յուղայնության կաթնաշոռ վերցնել, հարմար կլինի նաև պատրաստի քաղցր կաթնաշոռային զանգվածը՝ չոր մրգի կտորներով։
_Ձևամանը ծածկել յուղաթղթով և լցնել խմորը։
_Խմորի մեջ զգուշորեն դնել միջուկը, ցանկալի է՝ մեջտեղում։
_Լցնել ծիրանի չրի կտորներ կամ տարբեր հատապտուղներ՝ ըստ ձեր ճաշակի։
_Թխել 180 աստիճանով մոտ 40-45 րոպե։
_Թողնել մի փոքր սառչի կաղապարի մեջ, այնուհետև հանել, մետաղական ցանցի վրա դնել, որ ամբողջությամբ սառչի:
Թխվածքը կլինի խոնավ, հյութալի, բուրավետ, եթե կաթնաշոռին ավելացնեք կիտրոնի քերուկ, ապա այն շատ օրիգինալ կստացվի։
Բարի ախորժակ:
Տեսանյութ
Տորթ առանց ջեռոցի Չիզքեյք