Կաթնաշոռային կուլիչ. Փափուկ գեղեցկություն տոնական սեղանին

Եթե ​​սիրում եք ոչ թե չոր, այլ ավելի խոնավ խմորեղեն, ապա այս կաթնաշոռային կուլիչի բաղադրատոմսը հաստատ ձեզ համար է։

Կաթնաշոռային կուլիչ. Անհրաժեշտ բաղադրիչները

_Կաթնաշոռ 9 — 18% 200 գր

_Կարագ 82,5% 120 գր

_Ալյուր 500 գր

_Շաքարավազ 180 գր

_Կաթ 3.2 — 4.0% 200 գր

_Ձու 2 հատ

_Աղ 1 պտղունց

_Խմորիչ 25 գր

_Չամիչ 100 գր

_Վանիլին 1/2 թեյի գդալ

Կաթնաշոռային կուլիչ. Պատրաստման եղանակը

_100 մլ տաք կաթով նոսրացնել խմորիչը, ավելացնել մի երկու ճաշի գդալ ալյուր և նույնքան շաքարավազ, լավ խառնել, մինչև հարթվի։

_Տաք տեղում պահել, որ ակտիվանա՝ 10 — 20 րոպե։

_Հալեցնել կարագը և սառեցնել մինչև գոլ վիճակի:

_Մնացած 100 մլ կաթը լցնել կաթնաշոռի վրա և հարել ընկղմվող բլենդերով, մինչև համասեռ դառնա:

_Կաթնաշոռին ավելացնել ձուն, աղը, մնացած շաքարավազը, կարագը և հարել։

_Այնուհետև լցնել փրփրած խմորիչը, վանիլինը և աստիճանաբար խառնել ալյուրը։

_Խմորը հունցել 10 րոպե, այն մի փոքր կպչուն է դառնում:

_Ավելացնել լվացած և չորացրած չամիչը և նորից լավ հունցել խմորը (անհրաժեշտության դեպքում ավելացնել մի երկու ճաշի գդալ ալյուր, ոչ ավել)։

_Խմորով տարան ծածկել թաղանթով և դնել տաք տեղում, որ բարձրանա (խմորը պետք է ավելանա առնվազն 2-3 անգամ)։

_Բարձրացած խմորով կաղապարները կիսով չափ լցնել, ծածկել մաքուր խոհանոցային սրբիչով և թողնել, որ բարձրանա:

_Թխել 180* ջերմաստիճանում։ Դա կարող է տևել 30-ից մինչև 60 րոպե՝ կախված ձևամանի չափից:

Բարի ախորժակ:

Տեսանյութ

Զատկի Կուլիչ