Կաթնաշոռային քաղցրավենիքը վաղուց դարձել է մեր ամենասիրած քաղցր խմորեղեններից մեկը։
Պատրաստվում են պարզ և արագ, մթերքների հավաքածուն ամենապարզն է և միշտ կարելի է գտնել սառնարանում։ Իսկ լցոնումները կարող են շատ տարբեր լինել։
Կաթնաշոռային քաղցրավենիք. Անհրաժեշտ բաղադրիչները
_Շաքարավազ 3 ճաշի գդալ
_Ձու 2 հատ
_Կարագ 180 գր
_Կիտրոնի կեղև
_Աղ մի պտղունց
_Փխրեցուցիչ 10 գր
_Ալյուր 400 գր
Միջուկը պատրաստելու համար
_Ձու 2 հատ
_Կաթնաշոռ 650 գր
_Շաքարավազ 150 գր
_Թթվասեր 180 գր
_Օսլա 2 ճաշի գդալ
Կաթնաշոռային քաղցրավենիք. Պատրաստման եղանակը
_Ձուն խառնել շաքարավազի, աղի հետ և հարել, մինչև հարթվի։
_Ավելացնել փափկած կարագը և խառնել զանգվածը։
_Մեկ կիտրոնի կեղևը քերել, շարունակել խառնել։
_Լցնել մաղած ալյուրը՝ փխրեցուցիչի հետ, հունցել փափուկ և ճկուն խմոր։
_Խմորը բաժանել 2 մասի և դնել տոպրակների մեջ։ Մեկը դնել սառցախցիկում, մյուսը՝ պարզապես սառնարանում։
_Կաթնաշոռը խառնել շաքարավազի ու թթվասերի, ձվի ու օսլայի հետ, մինչև համասեռ դառնա։
_Թխելու ձևամանը (26×17 սմ) ծածկել յուղաթղթով և սառնարանից հանել խմորը, դնել մեջը և կողքերով տարածել։
_Խմորի վրա դնել կաթնաշոռով զանգվածը և հարթեցնել հավասար շերտով:
_Խմորի երկրորդ մասը վրան քերել խոշոր քերիչով։
_Թխել 180 աստիճանով մոտ 40 րոպե։
_Հանել ձևամանից և սառեցնել, ցանկության դեպքում կարելի է վրան շաքարի փոշի ցանել։
Խմորեղենը շատ փափուկ է, թեթև կիտրոնի համով և բուրմունքով, միջուկին կարելի է ավելացնել չորացրած մրգի կտորներ՝ ըստ ճաշակի կամ բոլորովին այլ դարձնել։
Բարի ախորժակ:
