Կաթնաշոռով բուլկիները պատրաստվում են արագ և հեշտությամբ, սա հիանալի նախաճաշ է, աղանդեր՝ կեսօրվա թեյի ժամանակ, կարող եք նաև երեխաներին տալ դպրոց տանելու համար:
Ուրեմն ժամանակ չկորցնենք ու թխենք կաթնաշոռով պարզ խմորով, փափուկ և եթերային բուլկիներ:
Կաթնաշոռով բուլկիներ. Անհրաժեշտ բաղադրիչները
_Կաթնաշոռ 200 գր
_Շաքարավազ 40 գր
_Ձու 1 հատ
_Վանիլին՝ ըստ ճաշակի
_Աղ մի պտղունց
_Ալյուր մոտ 200 գր
_Փխրեցուցիչ 1 թեյի գդալ
_Բուսական յուղ 50 գր
Կաթնաշոռով բուլկիներ. Պատրաստման եղանակը
_Կաթնաշոռը խառնել ձվի, շաքարավազի, աղի հետ, լցնել բուսայուղը և բլենդերով հարել զանգվածը՝ մինչև հարթվի։
_Ալյուրը մաղել և մեծ մասը խառնել փխրեցուցիչի հետ։
_Մասերով լցնել զանգվածի մեջ և ստանալ փափուկ խմոր։
Հուշում. Նախ ավելացրեք մոտ 170 գ ալյուր, սա բավարար կլինի, բայց, եթե խմորը հունցելիս երկար ժամանակ կպչուն մնա՝ մի քիչ ալյուր ավելացրեք։
_Խմորը բաժանել 10 գնդիկների և յուրաքանչյուրը ձևավորել ցանկացած ձևի բուլկու։
_Ջեռոցի տապակը ծածկել յուղաթղթով և շարել բուլկիները, վրան կաթ քսել։
_Թխել 180 աստիճան ջերմաստիճանում՝ մոտ 15-20 րոպե։
_Տաք բուլկիներին քսել հալած կարագ և ցանել շաքարավազի և դարչինի խառնուրդ։
Փարթամ, բուրավետ ու փափուկ, անչափ համեղ բուլկիներն անպայման կգրավեն ձեզ և դուք դրանք հաճախ կպատրաստեք, քանի որ դրանք արագ են ստացվում:
Բարի ախորժակ:
Տեսանյութ
Սիննաբոն բուլկիներ
