Արագ պատրաստվող Կաթնաշոռով թխվածք մատուցեք համեղ թեյի հետ և ձեր օրը հիանալի սկիզբ կունենա:
Կաթնաշոռով կարկանդակները միշտ լավ տարբերակ են նախաճաշի, ցերեկային թեյի և խորտիկների համար: Սա ամենահեշտ և պարզ բաղադրատոմսերից մեկն է, որը միշտ հիանալի է ստացվում:
Կաթնաշոռով թխվածք. Անհրաժեշտ բաղադրիչները
_ կարագ 150 գ
_ կաթնաշոռ 250 գ
_ շաքարավազ 250 գ
_ ձու 3 հատ
_ վանիլին
_ մի պտղունց աղ
_ փխրեցուցիչ 2 թեյի գդալ
_ ալյուր՝ մոտ 250 գ
Ջնարակը պատրաստելու համար
_ շաքարի փոշի 100 գ
_ նարնջի կամ կիտրոնի հյութ 2 ճաշի գդալ
_ ջուր՝ ըստ զանգվածի խտության
Կաթնաշոռով թխվածք. Պատրաստման եղանակը
Բոլոր մթերքները պետք է լինեն սենյակային ջերմաստիճանում, որպեսզի խմորը հավասարապես բարձրանա և լավ թխվի։
_ Շաքարավազը խառնել աղի, վանիլինի և փափկած կարագի հետ, հարել հարիչով մինչև փարթամ դառնալը։
_ Ավելացնել կաթնաշոռը և հարել։
_ Ավելացնել ձվերը և հարել մինչև համասեռ լինի:
_ Ալյուրը մաղել, դրա մի մասը փխրեցուցիչի հետ միասին լցնել խմորի մեջ և շաղախել։
_ Մնացած ալյուրը զգուշորեն ավելացնել, որպեսզի խմորը շատ չպնդանա, զանգվածը պետք է լինի շատ ճկուն և փափուկ։
_ Ձևամանը ծածկել յուղաթղթով, լցնել խմորը, հարթեցնել։
_ Թխել 180 աստիճանում մոտ 50 րոպե, պատրաստ լինելը ստուգել չոփով։
_Գլազուրի համար հյութը խառնել շաքարի փոշու, մի երկու թեյի գդալ ջրի հետ և զանգվածը լցնել տաք թխվածքի վրա։
Եթե ժամանակ ու ցանկություն ունեք, թթվասերով կրեմ պատրաստեք կամ թխվածքի վրա լցրեք հալած շոկոլադ, և նախաճաշին կստանաք շատ բուրավետ ու նուրբ աղանդեր։
Բարի ախորժակ:
