Կաթնաշոռով կարկանդակի բաղադրատոմսը շատ պարզ է և արագ: Իմանալով բոլոր գաղտնիքներն ու նրբությունները՝ կարող եք իսկապես համեղ խմորեղեն պատրաստել, որը կունենա կատարյալ միջուկ՝ չափավոր փխրուն, նուրբ և հյութալի:
Կաթնաշոռով կարկանդակ. Անհրաժեշտ բաղադրիչները
_Ալյուր 350-400 գր
_Շաքարավազ 100 գր
_Կարագ 180 գր
_Թթվասեր 300 գր
_Ձու 1 հատ
_Փխրեցուցիչ 7 գր
_Վանիլին 1 գր
_Աղ մի պտղունց
Լցոնի բաղադրիչներ
_Կաթնաշոռ 500 գր
_Ձու 2 հատ
_Շաքարավազ 100-150 գր
_Վանիլին 1 գր
_Չամիչ՝ ըստ ճաշակի
Կաթնաշոռով կարկանդակ. Պատրաստման եղանակը
_Խմորի համար պետք է վերցնել խորը տարա և մաղել ալյուրը, վրան ավելացնել փափկած կարագը։
_Այնուհետև մի պտղունց աղը, մեկ տուփ վանիլինը և մեկ տուփ փխրեցուցիչը լավ խառնել իրար։
_Մեջտեղում խորշ անել և մեջը լցնել թթվասերը, շաքարավազը և մեկ հարած ձուն։
_Որպես գաղտնիք՝ ավելի լավ է նախ խառնել նոր ավելացված բաղադրիչները, հետո սկսել խառնել նախապես ստացված զանգվածին։
_Խմորը պետք է լինի բավականին պինդ, սառեցնել 15-20 րոպե։
Պատրաստել միջուկը
_Կաթնաշոռը, շաքարավազը, երկու ձուն խառնել, ավելացնել մի քիչ վանիլին, խառնել գդալով կամ ընկղմվող բլենդերով։
_Այժմ խմորն իր ամրության շնորհիվ հեշտությամբ կարելի է քերել խոշոր քերիչով։
_Վերցնել ջեռոցի տապակը, ծածկել յուղաթղթով ու վրան լցնել խմորի մոտ 2/3-ը։
_Գդալով վրան լցնել կաթնաշոռի միջուկը, այն թափանցում է փշուրների արանքով:
_Վրան ցանել մնացած քերած խմորը։
_Կարելի է մի քիչ հատապտուղներ ավելացնել։
_Տապակը 30 րոպեով դնել 180 աստիճան տաքացրած ջեռոցը:
Տեսքն ուղղակի հիասքանչ է, իսկ համը հաստատ չի հիասթափեցնի։ Ստացվում է, որ այնքան էլ դժվար չէ առողջ ու համեղ սնվել միաժամանակ։
Բարի ախորժակ:
Տեսանյութ
Կարակում թխվածք մեր քաղցր մանկությունից
