Կաթնաշոռով շառլոտ. դասական տարբերակը կարելի է մի փոքր փոփոխել և էլ ավելի հետաքրքիր համով դարձնել, եթե խնձորին ավելացնեք կաթնաշոռ:
Թեյի համար դուք կստանաք փափուկ և քնքուշ, հոյակապ թխվածք:
Կաթնաշոռով շառլոտ. Անհրաժեշտ բաղադրիչները
_Ձու 3 հատ
_Շաքարավազ 150 գր
_Մի պտղունց աղ
_Վանիլին կամ դարչին՝ ըստ ճաշակի
_Փխրեցուցիչ 1 թեյի գդալ
_Փափկած կարագ 120 գր
_Կաթնաշոռ 250 գր
_Ալյուր 240 գր
_Խնձոր 2 հատ
Կաթնաշոռով շառլոտ. Պատրաստման եղանակը
_Ձվերը խառնել աղի և շաքարավազի հետ, հարել, մինչև փարթամանա ու միատարր, սպիտակ ստացվի։
_Ձվին ավելացնել փափկած կարագը, կաթնաշոռը, հարիչով լավ հարել, մինչև միատարր լինի։
_Ալյուրը մաղել և խառնել փխրեցուցիչի հետ, մաս-մաս ավելացնել հիմքի վրա, շաղել հարթ և միատարր խմոր։
_Խնձորները ընտրել քաղցր և թթու, կեղևը մաքրել, միջին շերտերով կտրատել:
_Թխելու համար նախատեսված տապակը ծածկել յուղաթղթով, խմորը հավասար շերտով լցնել։
_Վրան շարել խնձորի շերտերը, կարելի է ցանել դարչին՝ շաքարով:
_Թխել 180 աստիճանում մոտ 40 — 45 րոպե, պատրաստ լինելը ստուգել փայտիկով։
_Հանել կաղապարից, թողնել սառչի և կարելի է դարչինով կամ ուղղակի շաքարի փոշի ցանել։
Այսպիսի խմորի հյուսվածքը շատ նուրբ է ստացվում, ավելի շատ նման է տորթի, ուստի խմորը կատարյալ է տարբեր համեղ հավելումներով թխելու համար:
Բարի ախորժակ:
Տեսանյութ
Դդումով բիսկվիթ